عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اخبار الحلوين المربربين ان شاءالله كويسين 
هذا الله يسلمكم وصفه قالها دكتور لأبوية الله يطول بعمرة
وطبعا بابا ماصدق خبر جا قالها لماما خخخخخخخخخخخخ 
هي شوي مليانه وطبعا زينا كلنا نبغى ننحف بس بدون حرمان وماخلت شي ماجربته ماقدرت
طبعا لي اسبوع مارحت بيت اهلي وامس رحتلهم والللللللله العظيم يابنات امي خافه مررررة
ماشاءالله تبارك الله
انا اول ماشفتها 
اقولها ايش مسوية وهي فرحانه 😛 تقولي بالله باين
المهم من هنا من هنا لمن قالتلي ايش مسوية
الوصفه هي التالي :
جيبي زنجبيل طازج تقريبا اربع قطع مممم تكون القطعه قد الليمونة تقريبا قد الليمونه الكبيرة الصفرا مو الخضرا الصغيره
وقشرية وقطعيه شراااااايح وحطيه بالخلاط مع ربع كوب ماء واخلطييييييييييه كويس
بعدين جيبي صفايه وصفيه كويس بجك قزاق افضل قزاز عشان مايخرب بسرعه
وصفيه كويييييييييس بيدك اضغطيه عالصفايه لييييييين يسير مافي موية
بعدين عبي باقي الجك موية وغطيه وحطيه بالثلاجه
وكل يوم اول ماتصحين اخلطي الجك وخذي كاسه اشربيها عالريق
والله يابنات انا اول ماقالتلي توقعت انه ماراح اتقبله بس والله يكون بااااااارد لانه من الثلاجه وحيغطي شوي على حراره الزنجبيل يعني بالاصح تحسينه منعش فيه حراره بس بنفس الوقت بااااارد
وشي ثاني تاخذه معاه وهوا التين المجفف
عندها علبة بلاستيك زي اللي نشتري فيها النواشف بس الكبيرة حقت الكيلو
حاطه نصها زيت زيتون
ومنقعه فيها تين ممليتها
والله يابنات تشرب الزنجبيل عالفجر لاقامت وترجع تنام اول ماتصحى تاخذ حبتين من التين تاكلهم وخلاااااااص يقفل المعده مزبوط يجي الغدا وهي شبعااااااانه يادوب تاكل شي بسيط
جربوها والله وان شاءالله تدعولي انا بالنسبة ليا من اليوم بدأت بالزنجبيل وان شاءالله اشتري تين واسويها
اللي تسأل عن طعم التين قالتلي امي انه مرررة طعم وراح تتقبلينه مرررة وللمعلومية هي شايلته بغرفه نومها لانه عاجب اخواني وخايفه يقضون عليه خخخخخخخخخخخ
المهم انا زي ماقلتلكم بدأت بالزنجبيل واول مااشتري التين راح اكله عالظهر لانه احنا مانتغدى الا عالعصر واخلي وجبة الغدا اللي هي العصر اخر وجبة لي باليوم وباقي اليوم راح اشرب موية وشاهي اخضر بالزنجبيل
طبعا الغدا راح اكل من الموجود واذا كان دسم راح اقلل واكل معاه سلطة
يالله اللي تبغى تبدأ معايا ونشووف النتيجه
ياليييييييييييييت اللي يجيب معاها نتيجه تكتب تجربتها هنا وانا ان شاءالله حستمر وحقولكم ايش سار معايا
الوداااااااااااع ➡
