عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم يا أحلى فراشات
الوصفة هذي مآخذتها من خبيرة أعشاب لبنانية كل خلطاتها طبيعية كنت اتابع برنامجها بس ولا مرة طبقت اللي تقوله لأني ما أؤمن بالخرابيط
بس جذبتني هالخلطة وسويتها على رجول ماما الله يحفظها لي
بصراااااااااحه خطيره سهله لا تفوتكم
>> تحتاجين لــ زيت زيتون للبشرة + ليمون
الليمون لازم يكون ابو زهرة
المهم تآخذين نص ملعقة زيت زيتون للبشرة طبعا + نقاط من الليمون
تحطينه على الأماكن الجافه أو المتشققه
وتلبسين جوارب ثقيلة
و مو شرط تنامين فيها يعني ع الأقل خليه 4 ساعات 5 ساعات وإغسلية وفي ناس يحبون يلبسون كيس نايلون وفوقه الجوارب > يعطي نتيجة أسرع الماما تسوي كذا 😐
ولاتنسين تستخدمين مبرد الحجر >> لأن المبرد اللي في الصيدلية يجفف البشرة ويزيد المشكله إبتعدي عنه
أما بالنسبة لمبرد الحجر ممتاز جدا ً يساعد على التخلص من الجلد الميت
ولا تنسين تسوين لـ إيدينك و رجولك حمام دافي من مغلي البابونج
يعطي نعومه مو طبيعية و يريح الأعصاب بالذات للرجول روعه
تنبيه : اللي عندها حساسية في القدمين أو إكزيما أو غيرها لاااا تستخدم الوصفه مو تقول مانبهت لأن الليمون ما يوضع على الأماكن الملتهبة > يرحم والديكم هذا انا حذرت
هذي بس للي ما يعانون من مشاكل جلدية سوى الجفاف والتشقق فقط لا غير
أتمنى إني أفدتكم بشي
ما أبي إلا دعوة بالتوفيق في الدنيا والآخرة
تحياتي لكم ➡
