وصفه مغذيه للرضع .. وعلاج للإمساكـ

كيفكم ياحلوات وكيف بزارينكم 😎

اللي قرأ موضوعي اللي قبل هذا في هالقسم يعرف قد ايش عانيت مع امساك ولدي

وبالصدفه قريت بمنتدى ثاني موضوع منزلته وحده الله يجزاها الجنه عن وصفه او طبق مغذي للاطفال

وبنفس الوقت علاج فعال للامساك

وانا من مبدأ ان الفائده تعم على الجميع .. كتبت فيه موضوع مستقل

واتمنى انه مايكون مكرر < عندها عقده 😆 🙂

مااكثر هرج

السالفه ومافيها

عندك تمر خلاص .. تمر برني .. عجوه < اي نوع من التمر المهم يكون لين مو زي السكريه

خذي تقريبا 5 وحطيهم مع نص كوب مويه او ثلاث ارباع الكوب واغليهم على النار

لحد مايلين التمر بزياده وتقلب لون المويه

حطي ملعقتين شوفان وقلبي لمدة 10 دقايق

خليها تبرد شوي .. وحطيها بالخلاط

قدميها للشيخ ولا للشيخه اللي عندك .. بعدها شربيه اما مويه او عصير .. او حتى يانسون او بابونج

وشوفي النتيجه بإذن الله

وكنصيحة مجربه < يقالي خبره الحين 😉

على الريق .. حاولي تعطي الطفل لو كميه بسيطه من المويه ماتكون بارده < نصيحة الاخت صدى الله يجزاها خير

حاولي تعطينه رضعه بابونج او يانسون في اليووم

ارتبط بااذهاننا ان البرتقال هو اللي بيخفف الامساك .. طيب ماتقبل رضيعك البرتقال وش تسوين ..؟

مالك الا الخووخ 😡

حاولي تدخلينه له على اساس وجبه مع حبة جبن كيري < كالسيوم وفيتامينات 😆

التمارين لاتغفلين عنها .. حتى لو انه لسى مايتقلب .. حاولي تحركين له رجوله بشكل خفيف على جهة بطنه وتفردينها .. مرتين او ثلاث تكفي بس تكون باايقاع منتظم

المساج .. وماادراك ما المساج ➡

اذا مرره صعب عليك تدلكينه بزيت زيتون دافي .. جربي زيت جونسون .. بشكل دائري على بطنه

وبشكل دائري طالعه نازله على رجوله وظهره

طبعا اثبت طبيا فائدة المساج وكيف ان له دور بالنمو الصحيح 😉

واخيراً .. والاهم من هذا كله

لاتنسون الرقيه الشرعيه ..

والله الحامي والحافظ