عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
متذكراتني؟
اذا مش متذكراتني رح ارجع اكتبلكم قصتي؟
انا فتاة متزوجة حديثاً , تواجدت في بيت زوجي شهران فقط,وانا الان عند اهلي متواجدة عندة قريب ال6 اشهر,وذلك بسبب اهل زوجي , نعم لقد طردني عمي من بيت من بعد مشاكل كثيرة من قبلهم,ارجوا المعذرة لانني سأطول عليكم بحديثي , لانه يهمني ان تساعدوني وتعرفوا ما جرى معي , لقد خدعوني اهل زوجي من بعد اتفاق دام سنتان من الخطبة على ان اكمل تعليمي الجامعي , ولكنهم عملوا المستحيل ليقلبوا حياتي جحيماً مع زوجي من بداية زواجنا , فقد تعذبت كثيراً هناك , انهم يريدون ان امشي معهم على خاطرهم وان اتنازل عن صديقاتي ومعارفي وتعليمي وحتى انهم من بعد ما طردني عمي (اب زوجي) اخذوا ذهبي (مهري المعجل) وباعوه بحجة انهم يريدون ان يسدوا الدَين الذي على ابنهم وهو طبعا ماشي معهم .وزوجي يا اخواتي العزيزات لا يوجد عنده شخصية امام اهله ولا يستطيع ان يرفض ما يقولون مع انه عارف انني غير مخطئة بشيئ,ولكنه الان مصمم على قضية التعليم ولا يريدني ان اكمل تعليمي , طبعاً بسبب اهله لانهم من النوع الذي لا يحب ان يصرف قرش سوى على الاكل والمشرب اقصد بكلامي انني اكتشفت بعدزواجي انهم “بخلاء” ولا اعرف ماذا افعل لان زوجي يكلمي تقريباً بشكل دائم , ولكنه لا يعرف الحل مع انه يحربني ويريدني ولكن من جهة اخرى ابوه لا يريد ان يرجعني سوى بشروطهم,مع انهالحق معي لانني وانا هناك كنت اتلقى العديد من الاهانات والمسبات وحتى انني طردت امام زوجي وهو فقط يتفرج على ما يفعله اباه , ونحن الان وصلت بيننا للمحاكم واطالب بنفقتي ,ولكن جوزي لم يعطني اي قرش منذ خرجت من هناك(6 اشهر) ولا يصرف علي ولا حتى يسألني , وهو رفع علي قضية تحكيم ولم نصل لنتيجة حتى الان , مع انني اعرف انهم يعملون المستحيل لتطليقي “اي اهله” لانهم باتوا يكرهونني ,وبدون سبب فقط لانني اريد ان اكمل تعليمي وهو شرطي الذي كان قبل الزواج , وانني اريد ان لا يتحكم بي احد , هذا كل ما اريده , زوجي يريدني ويحيني ولكنه لا يريد ان يستأجر بيت لنا ,ولا يستطيع ان يعصي اباهوامه ,ولو قالوا له “طلقها” فهو مستعد لذلك ,طالما هم راضيين رغم انه لا يريد سواي ,فماذا افعل يا اخواتي ؟
لقد تعبت من كثرةالبكاء
ودعوت الله كثيراً ان يرجع لي زوجي
فهل هناك حلً بيدي يا ترى؟ ولم افعله بعد؟ رغم انني حاولت اقناع زوجي بكل الطرق , الا انه يعتبرني خاطئة واهله هم الصواب.
ولا يشعر بي ابدا
ساعدوني ارجوكم بحلول اخرى ..واعذروني لاطالة رسالتي عليكم ..وجزاكم الله خيراً يا اخواتي الفراشات
وتاني مرة كتبتلكم اللي صار بعد شهرين…
اولا: السلام عليكم ورحمة الله وبركاته
ثانيا: اتمنى تكونوا لسه زاكراتني..انا سهير اللي كتبتلكم مشكلتي قبل شهر تقريبا..
…
انا اللي تزوجت شهرين , وهلأ انا زعلانة عند اهلي , الي حوالي 7 اشهر ..بسبب اهل زوجي , اللي طردوني وما بدهم اتعلم …وصار في بيننا محاكم هلأ , والقاضي حكملي بالنفقة, وزوجي لهلأ ما اعطاني قرش واحد..يعني حكيتلكم من البداية عن زوجي , انه ضعيف شخصية, خصوصا امام اهله..وهو رفع علي قضية تحكيم , وكمان يومين بدهن ييجوا المحكمين يسمعوني..ويعرفوا شروطي…
..ومش عارفة شو اعمل, وشو احكي, لأني تعبت..ولأنني عارفة انه هلأ هو ما بده يعلمني, وطايع اللي بدهن اياه اهله بس, ومش رح يرجعللي ذهبي”مهري” اللي اخده وباعة علشان يسد ديونة.
انا الصراحة مضغوطة , لأنه الناس تعبتني ,
انا عمري 19 سنة”مع اني حاسة عمري 50 سنة” بسبب الهموم , والكل يتكلم شو على قصتي..كأنني صرت علكة بلسان العالم..
انا والله ما غلطت بحقهم..
بس هم من النوع اللي ما بيحبوا يصرفوا قرش..يعني “بخلاء” تقريباً..وهادا الاشي اكتشفتوا بعد الزواج..
لأنه زوجي خدعني, بعد ما وعدني بكتير اشياء..منها “محدا يتدخل فينا” , “يخلني اكمل تعليمي”…
وهلأ صار وحش..وبين على حقيقته
والله يا اخواتي اني خائفة و يئسانة, لأنه كمان امي متعبتني وخائفة علي كتير..واحترت لأنه في ناس بيقولولي ارجعي .. عبين متمكني نفسك..يعني اتمسكن حتى اتمكن ..”بالاولاد”
وفي منهم يقولولي اتركي التعليم ومالك غير بيتك..ومجتمعنا برحمش المطلقة..ومن هادا الكلام
مزبوط انا هلأ متزوجة “بس يا هل ترى اللي بتتزوج لازم تنخدع..؟ يعني وهي خاطبة يكون يقلها ويوعدها خطيبها..وبعدالجيزة اذا قلها انا غيرت رائيي تتنازل؟؟
وفي ناس بيقولولي : انه ما اتنازل ابداً عن حقوقي. من تعليم,وذهبي,ونفقتي,وكرامتي…
يعني انا احياناً بفكر انه اتخلى عن كل هادا , عشان : “السترة”.
بس بخاف انه انظلم بالمستقبل ..بعدين انا ما كان كل طموحي انه اتزوج وبس ..لا..انا كان شرطي “بالكلام طبعاا” التعليم…بس الظاهر اليوم ما في كلام رجال
شو اعمل ..انا خائفة..وتعبانة و متضايقة..يا رب تساعدني..اهل زوجي مو سهلين ..شو اعمل ساعدوني؟
الناس تعبتني وكلامها اكتر وانا بحيرة …
ما الي غيركوا ..ساعدوني لو بكلمة …
طولت عليكوا..معلش..كتر الله خيركوا
والان تطورت الامور كتيراااااااااااااااااااااااااااااااااااا
قبل يومين كانت المحكمة..رحت انا وامي وابي وزوجي راح هو وامه وابوه…
كانو الشيوخ هناك ودخلنا على المحكمة لقيناهم صاروا قاعدين معهم”وسبقونا”..ولم دخلنا عالجلسة كانو مكشرين ووجوهم معبسة…المهم طلبوا من اهلي وأهله يخرجوا من الجلسة ونبقى انا وزوجي معاهم…
وتجادلنا وتوصلنا بالنهاية للصلح..واتفقنا على اني اروح عند اهلي مرة بالاسبوع ومع زوجي بس
وبالنسبة لتعليمي زوجي موافقش اني اكمل بس انا اقنعت الشيوخ انني صرت دافعة قسط السنة وبعدللي 3 اشهر وبتخلص السنة الاولى..
ووافق انني اكملهن ..بس بعد هالثلاثة شهور ما حيخليني اكمل ..
وانا قلت بحالي”ماشي موافقة ولمن ارجع عند زوجي بحاول اقنعوا بطريقتي”
شو بدي اساوي “”اخخخ” نصيبي…
واتفقنا كمان على انو يحترم اهلي وانا احترم اهله وبالعكس
وبعد مخلصت الجلسة نادوا على الاهل وحكولهم اللي اتفقنا عليه ..انا بالنسبة لأهلي وافقم ..بس امه نطت تقول حكي بقشعر البدن عشان تستفزني ونتغاوش..بس انا صبرت عليها وما همني كلامها لأننا اتفقنا انا وزوجي مع الشيوخ خلاص..
المهم انه قبل منطلع من الغرفة وقفتلي امه وقالتلي : الكلب يرجع الكلبة..يعني اصدها اخوي اللي اجا اخدني لمن طردني عمي من هناك..بهالوقاحة حكت هالكلمة…
انا بلعت حلقي وما حكيت اشي لانه الشيوخ فهموا انه منها ومن عمي المشاكل ..اما زوجي ما حكا اشي..
المهم رجعت البيت مع اهله ونطرت زوجي وما اجا اخدني ..
اليوم اتصل فيي
وقلي.:..
اسمعي يا بنت الحلال انا عندي شروط بعد..غير اللي اتفقنا عليها بجلسة الشيوخ..
وانا قلتله:شو الشروط
جاوبني هو وقاللي:
1- اخوك يرجعك عندي
2-محدا يتدخل فينا
3-اترك التعليم..:”رغم انه اتفقنا بجلسة الشيوخ اكمل سنةال2007″
4-انه اهلي واخياتي واخوتي ما يدخلوا بيته
انا كنت عم بسمع بس وما اجاوب..قلت بحالي بخللي الجواب بأأخر كلامة..بس لم جاب سيرة اهلي وقللي اتركي اهلك وما ييجوا يزورونا …ما شفت حالي ولا انا قافلة التلفون..وقلتله “باي “
وووالله والله من هديك الدقيقة وانا مخنوقة ومش مصدقة انها وصلت لهالدرجة معهم..وانهم بدهم اتخلى عن اهلي ..انا فاهمة قصدهم..هم بدهن يعجزوني انا واهلي عشان نطلب الطلاق..لأنهم ما بدهن اياني..مع انهزوجي المصون “””بحبني”” قاللل..والله ماااااااا عارفة شو هالحببب
وهلأ الجو متعكر ببيت اهلي والله يستر شو مخبيينلي بعد هالعالم…
طولت عليكم…سامحووووووني ارجوكم..بس انا بحب اسمع نصائحكم ولو كانت صغيرة
قلوليلو انتم محلي”””لا سمح الله” شو بتعملوا
شو اعمل
اكيد مش رح اقبل انه اهلي ماييجوا عندي..لانه والله ما غلطوا بحقهن..بس هاد الشرط هو تعجيز
عشان يقطعوني من اهلي اللي ربوني وتعبوا علي
شو اعمل؟؟؟
انصحوني
امانة عليكم
