وصلت لشهري الاخير و بديت اتحطم

بنات انا بتكلم على طول بالموضوع لان مافيني للمقدمات

الحين انا دخلت شهري التاسع وكانت اخر دورة ليه 8 / 6 / 1430

المهم في وسط شهوري كان عندي انيميا ونسبة الدم 9 وادوني ابر حديد كان يوم بعد يوم

ابرتين والحمدلله ارتفع شويه ووصل 10,7

ويوم دخلت شهري رحت للدكتورة كالعاده مراجعه قالت لي الراس عندك على الجنب اليمين مايل

شويه وغير كذا الجنين فوق لسه مانزل لاااااااااازم تمشي قلت طيب بيني وبينكم ما مشيت

والسبب اني مافضيت بصراحه الا انا ناويه احفر الارض برجولي << مالها رغبه بالمشي

وفي شي ثاني مره مره مره مضاااااااايقني والله يابنات احس نفسي بابكي كل لحظة

واللي هوه احس الانيميا رجعت والسبب اني احس بخفقان بقلبي وصعوبه بالتنفس ورجفه

ودوخه وصدااااااااااع << كل هذي الاعراضات جاتني لمن كانت عندي الانيميا بالاول وارتحت

لمن اخذت الابر وخلصتها كلها زالت هذي الاعراضات

سويت امس تحليل ولسه النتيجه استلمها اليوم او السبت لان زوجي مسافر

يا بنات انا من جد قلقاااانه والسبب انه اول شي راس الجنين مااايل وغير كذا مرتفع مو في الحوض

واللي مطينها فقر الدم ايش الحل ولاااا نسيت اعلمكم انه الجنين عندي صغييير قالوا وزنه 2 كيلو

طيب ايش اسوي بالعلم والله احاول اخلي اكلي كله مفيد طايحه بالتمر والسمن والحليب والموز

والتفاح والسلطات والاشياء اللي فيها فايده وبنفس الوقت احس اني تعبت ولا عارفه ايش راح يصير

معااايا خبراتكم اللي مروا بنفس حالتي تعالوا وطمنوني وارشدوني والله مالي الا انتوا