وظايف بفندق هوليدي إن الجديد بالخبر

صبايا بدخل بموضوعي على طول وبحط كل المعلومات اللي اعرفها

طبعن بما اني درست بمركز الاميره جواهر فالمركز بدوره يبحث للمتفوقات من المتدربات عن فرص

وظيفيه دقو علي وقالو لي روحي سوي مقابله في فندق هوليدي ان ورحت انا وصديقتي والبنت اللي

معاي انجليزيتها مو مررره فتقدمت ع الوظيفه وقال لي نبيك تبدين معنا بنفس اليوم تداومين وانا قلت له

ما اقدر ابدا اليوم ولازم ادبر اموري وانشالله على نهاية الاسبوع ابدا معكم قال خلاص بتلقين اسمك

بقائمة الموظفين ورفضو صديقتي بنفس الوقت و السبب في قبولي اجادة اللغه الانجليزيه والسبب في

رفضها عكسي تماما

طبعن راتبهم بحدود الفين واربعميه ودوامهم من سبع الصباح الى ثلاث أو من ثلاث العصر الى 11 الليل

وماعندهم مواصلات والوظايف المتوفره عندهم كول سنتر وخدمة عملاء وسكرتاريه

واذا بتسئلوني ليه مابدأت عمل راح اقول لكم لاني كنت رايحه على وظيفة سكرتاريه تنفيذيه ولما رحت

طلبوني في الكول سنتر عشان اغلب نزلائهم يتكلمون الانقلش وراتبهم الاساسي الف وخمسمية ريال

مع البدلات تصير الفين واربعميه وانا انشالله بشهاداتي وخبراتي راح القى راتب اكثر من كذا بالصبر

والاجتهاد لان مثل هالوظيفه تعتبر ظلم وانا قد اشتغلت واعرف نظام مكتب العمل فلازم بنات ماتفرحون

بالوظيفه اول ماتجيكم لازم تدرسونها صح وتشوفون ميزانياتكم والمواصلات ومصروفاتكم وهل بيغطي

الراتب او لا وغير كذا بعض عقود العمل يكون فيها شروط ظالمه لازم تتاكدون قبل ماتوقعون اي عقد مع

اني والله ماوقعت عقد مع هوليدي ان ولا اعرف عقدهم وش ينص عليه

بالنسبه لموقعهم بالخبر روحي كورنيش الخبر وقريب ع الميريديان بس وين بالتحديد ما ادري لاوصلتو

كورنيش الخبر اسئلو لانه هناك

واي وحده تبي تسئل فضلن وليس أمراً ياليت تسئل ع العام لتعم الفائده