عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اللهم لك الحمد كماينبغي لجلال وجهك وعظيم سلطانك
اخواتي الغاليات امس رحت موعدي بالمستشفى ومافيني الا العافيه
وسوى لي الدكتور سونار عشان يشوف البيبي
البيبي الي منتظراه من اربع سنوات ونص
اول مره من تزوجت احمل
واول مرة من تزوجت من اربع سنوات ونص بطني تكبر وفرحتي تكبر معاه
اول مره اسمع نبض جنيني في بطني مو بمره الا مرتين
اول مره من تزوجت ومن الادويه والابر والعلاجات ومواعيد المستشفى يكرمني ربنا واحمل
كلمات الدكتور للحين باذني وهو يقولي قولي الحمدلله وصبري لان نبض الجنين وقف
وقفت عندي الدنيا لحظتها وانا اقوله ايش يعني وقف نبضه
يقولي اجهاض اقوله اشلون اجهاض انا مافيني شي والبيبي مافيه شي
وقفت عندي الدنيا ساعتها ……… عشان اسمع كلام الدكتوره وهي تقولي لازم توقفين المثبتات
وتشربين هالدواء عشان ينزل الكيس
قلت لها ماراح اشرب الدواء …………
يمكن يرجع النبض مره ثانيه ……….
وخرجت
انا الحين بالبيت ……………
منتظره ومتئمله بالله الرحمه فيني واللطف بقلبي
متئمله بربنا انه يساعدني ويصبرني من عنده
ادعولي بظاهر الغيب
وربي مايكتب الي صار لي لاحد
طبعا اسمي ……….. ام الغالين سجلت فيه تيمناٌ وظن الخير ان يجيني ابناء كثير وهم الغاليين
