عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته عزيزاتي الفراشات
كنت متابعه هالمنتدى الرائع وبالذات هالقسم يارب ترزق كل محرومه وتسهل على كل
كروشه’والله صرت اشوف الحوامل وقلبي يوجعني
مالكم بالطويله اولا الحمد الله حمدا يليق بجلال وجهه وعظيم سلطانه
ولدت من 10 ايام وجبت ولد زي القمر يارب يخليه لي والله يسوى الدنيا ومافيها
القصه من بدايتها
كنت يوم الثلاثاء رابع العيد في بيتي وكنت حاسه ان ولادتي قربت لاني حسيت بخمول والم في الظهر
قلت خليني انظف بيتي ومطبخي عشان ارتاح, كلمتني اخت زوجي وقالت انا طفشانه انزلي تحت
اهل زوجي ساكنين تحت,قلت لها تعالي فوق انا احوس في البيت تعالي نتسلى مع بعض
وتجلس معي الى الساعه 1 الليل وطول هالوقت وانا احس بالآم بسيطه وحيلي مهدود
قالت لازم انزل شكلك تعبانه وشكلك بتولدين بكره وتضحك,
قمت وانسدحت وجاء زوجي من برا وقعدنا نسولف شوي في تمايم ولدنا وش بنسوي
نمت وحطيت جوالي ع المنبه الساعه 5 عشان اصلي وصكيته ونمت ماقمت اصلي,بعدين قمت مرعوبه:(
الساعه سبعه الاربع لاني ماصليت وفجاه احس بشي ينزل مني,نزلت مويه بكميه ماتتخيلون
خفت وفرحت احتلطت المشاعر
واروح الحمام وانتوا بكرامه واتشطف والبس فوطه ياعيني على الفوطه ماتسوي شي يبي لك
منشفه كبيره تحطينها ياساتر
رحت لزوجي اعلمه بس ماودي افجعه اعرفه يخاف,
قلت له يالله قوم قال وين؟قلت المستشفى قال والله؟ قلت والله ويقوم زي المجنون
وقلت له ماابي احد يدري لا اهلي ولا اهلك قال طيب ونطلع السياره ويمشي 200 الله يسامحه
وكل هذا مافيه الم
وصلنا المستشفى ودخلت الطوارى ودخلت عند الدكتوره وسوت كشف وقالت مفتوح اثنين ونص
عطوني فوطه وقالوا البسيها وطلعوني قسم التوليد وعطوني كيس احط فيه كل ملابسي ولبست لبس المستشفى
كان لبس طويل وساتر ,وكل هذا والمويه مازالت تنزل بكميه كبيره لأني كنت اشرب عصيرات ومويه بالهبل,وحطوا جهاز تخطيط القلب للبيبي وقالت انتي مافيه اكل وتعطيني مغذي وزوجي جنبي يسولف ويضحك يبي يهون علي والممرضه تاخذ العقل والله حبيتها تقول لاتخافين انا ماما وانا اختك
يازينهم بس
من الساعه 8 ونص الى 11 مافيه طلق ويبدامعي مغص خفيف يروح ويجي ويبدا يشد معي
وزوجي راح يتغدى عند اهله ويجي بدايزيد الالم وانا اسمع اصوات الحريم وصراخهم وانا بغيت اموت من الرعب
وانادي النيرس واقول لها فيه الم قالت بنادي الدكتوره,وتجي تكشف قالت 4 سم وانا اتلوى من الالم
بس الم محتمل
على الساعه 2 ونص بدأالالم يزيد بشكل كبير وكان جنبي علبة مويه وانا اضغط عليها بقوه
واذا خف الطلق بديت ادعي واقرا
جات الدكتوره وتكشف بعد ساعه وتقول 6سم وانا افرح قرب الفرج
وعلى الساعه 4 ونص العصر جات الممرضه وانا منتهيه طبعا ممرضه رايحه وممرضه جايه مايخلونك لحالك
قالت مدام خلاص ولاده انتي 10 سم
دخلوني غرفة التوليد و حطوني على السري وبديت احس بالدفع والدكتوره اللي تولدني دكتوره لبنى
تجنن قمه في الرقي والاخلاق
وتقول اذا حسيتي بدفع ادفعي بقوه وانا ادفع بقوه بس كنت احس بالم يوصلك لحالة من الاغماء والدوخه
والحمد الله ولدت على الساعه 5 العصر وبدت تخيط الجرح ………..
يتبع
