عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اهلين يافراشات الحمدلله ولدت وراح اقولكم قصة ولادتي
قبل 3 ايام تقريبا ليلة الثلاثاء كنت عادي معزومة عالعشا وجالسة البس واتكشخ ويوم خلاص بركب السيارة الماي انكب علي تخيلو >>>>>>وافشيلتاه لو انكب بالعزيمة اهى اهى
المهم يوم زوجي شافني انهبل
كان ياخذني ويكفخني بالسيارة وطيران عالمستشفى
ويوم رحت سوو لي سونار وقالو لسة باقي 3 اسابيع عتاريخ ولادتك
او عالتاسع قصدهم
لكن الحمدلله الماي مانزل كلة وماراح تكون ولادة الرحم مفتوح 2 سم
راح ننيمك اسبوعين لحد ماتدخلين التاسع بعدين نولدك
قلت اوك عطوني ابرة يقولون حق الجنين عشان الرئة
خلصت اوراقي اول مانقلوني عغرفة التنويم الا ويجيني الم فضيع
ونادو الدكتورة الا تقول الرحم 6 سم سبحان الله بسرعة فتح
طبعا قالت ولادة بسرعة
وزوجي حبيبي مسك القران وبدا يقرا لي سورة مريم
وبنتي جالسة جنب زوجي ونظراتها لاتعليق
الموهيم
رحت غرفة الولادة وبعد ساعة بدا الطلق يحمى وولدت بسرعة ماشالله ساعتين من رحت المستشفى وولدت
وجبت ولد سميتة يوسف الله يحفظة لي
ظليت يومين بالمستشفى وطلعت
لكن ولدي الله يحفظة للحين بالخداجة يقولون بيخلونة اسبوع عشان في سوائل عالرئة وضيق تنفس وزنة 2 كيلو
اليوم رحت زرتة ونشالله احسن اشوي
لكن ادعولة بنات تكفون
وبس هذي قصة ولادتي
ونسيت اقولكم ولادتي كانت بالمواساة بالجبيل الصناعية
وكثير ذمو لي المستشفى لكن قسم بالله يابنات تعامل راقي
الدكتورة اللي ولدتني سودانية ويدها خفيفة وخفيفة دم
وخياطتها ممتازة
والغرفة الحمدلله كثير مريحة
الموهيم اني ارتحت كثير بالمستشفى
اي سؤال انا حاضرة ودعواتكم
واي سؤال انا حاضرة
