عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
رجعت لكم بعد الغيبه الطويله تصدقون فااااقدتكم
الحمد لله ولدت اخيراً وجبت ولد في 17 شعبان اخذت اسبوعين ع التاسع
ولدت بعد اييييييييش بغت تطلع روحي
تخيلوا ضغط وزلال ومنتفخه صايره كأني بالونه شوي واطير
ومن شدة ارتفاع الظغط اثر على نبض قلبي
وكل مارجع المستشفى يقولون عادي املاح
المهم قالولي ع طول توليد طلق صناعي سبحان الله كان عندي موعد توليد
وقبل الموعد بثلاث ايام تعبت وجيتهم
حطتلي الدكتوره تحميله وقالتي راح نحط لك ابرة ظهر بس انتي ارتاحي علشان ينخفظ الظغط
يقال انهم بيهدوني
والله بغيت اموت من الخوووف يوم شفت السالفه جد
هي حطت التحميله من هنا انا انهبلت من هنا من الالم
وشوي الا الممرضه صارت تصارخ وتنادي الدكتورة هي نادت وحده جوني معها ثلاثه دكاترة
طلع نبض الجنين ضعيف وانفصلت المشيمه
شالوني لغرفة العمليات وقالولي راح ننقذ الجنين
وانا اصارخ واقولهم انا تنقذوني او لا >>كل ماذكرها اضحك ع نفسي
وثواني الا انا في غرفة العمليات يووممممممه شكلها يخوف احسها غرفه للموت
طلعت من غرفة العمليات ع الافاقه وبعدين رجعت لغرفه المراقبه عشان الظغط
وصار اللي ماتوقعته صار معي نزيف حاااد وصارت الممرضه تصارخ مره ثانيه الا هم راجعين لي مره ثانيه
وصارو يظغطون على عمليتي عشان يوقف النزيف تخيلوا توني طالعه من غرفة العمليات كنت راح اموووت
صرت اصارخ حسيت اني بموت من الالم والنزيف والله اني صرت اتشهد وافكر في امي وبناتي
وقف النزيف 5دقائق ورجع اكثر من اول واتشهدت للمره الثانيه المره ذي بصمت اني بموت
وقالولي راح نشيل الرحم وافقت المهم يوقف النزيف
فجأه وبفضل الله وفق النزيف وشالوا يدينهم الحمدلله
وعطوني ثلاث وحدات دم
وبعدين فكرت فولدي وسألتهم عنه ياعووومري طلع في العنايه المركزه
طلع عنده انسداد في فتحت الشرج يعني ماعنده
وسوله فتحه مع الجنب يتبرز معها وانتوا بكرامه
وصار غيار صعب تعقيم وتلزيق وشغله الحمدلله على كل حال
وانشغلت معه تنويم ومواعيد
وحددو موعد عمليته اخر الشهر الجاي
يفتحون له فتحت الشرج هم ماسوها له بعد الولاده لان الفتحه مرره عميقه
ياعووومري كل ماشوفه يكسر خاطري فتحه مع الجنب وانبوب
وصارلي مخلصه الاربعين 20 يوم
لاتنسوني من دعواتكم لولدي
