عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
يا امهات تكفووون جاوبوني و طمنوووووني
امس ولدي كان عنده موعد عند طبيب الأطفال .. ( عمره شهر )
وقلت للطبيب انو من اسبوعين تقريبا معاه بلغم بصدره و متعبه مررره بالرضاعه
يصير لها صوت كأنها شهقات وهو يرضع و يتعب مررره يصير تنفسه سريع واخاف عليه و اسحب الننه منه
فحصه الدكتور وقال صحيح معاه بلغم بس هو معاه ارتخاء في القصبات الهوائيه !
قلت شلون يعني وش يسوي قال احيانا يروح من نفسه وياخذ من 6 شهور الى سنه
قلت له طيب يأثر عليه قال لا عادي << احسه يلعب علي يبي يهديني لانه شافني تروعت
وقلنا له عن حالة بنت بنت عمي لما تشرب الحليب يدخل بالرئه عندها ولما فحصوها قالو لازم عمليه
( خفت يكون وراثه في العايله يعني )
قلت له يعني هو كذا مثلها ؟؟؟؟ لازم عمليه ؟؟؟
قال لي لا ان شاء الله ما يحتاج تدخل جراحي في حالات نااادره يحتاجونها
قلت له طيب اللي مع ولدي يجي كل الأطفال ؟ قال لا بعضهم !!
فــ اللي ماره عليها الحاله يليت تقول لي شسوي ؟؟
وهل لها تأثير عليه ؟؟
تكفون ادعوا له ربي يشفيه وربي ضايق صدري من امس
