ولدي وبنتي وكيف اتصررررررررررررررررف ساعدوني

بدخل فالموضوع ع طوووول مالي فالمقدمات

انا يابنات عندي ولدين الكبير عمره 10سنوات والثاني4 سنوات

وتوني والده بنتي عمرها 21يووم بس يعني انا باقي فالاربعين للحين

مشكلتي هي في ولدي اللي عمره4سنوات جنني وربي جنني وصرت ابكي بسببه

ازعجني ع اخته الصغيره دايم لازق فيها ما يخليها تنام او ترضع او ع الاقل تقعد هاديه

بس يشد فشعرها ويضربها ومره كنت ملبستها وحاطتها فالمهاد حقها ومسدحتها ع السرير وجالسه ارتب فالدولاب مادري شلون ما لاحظته وهو داخل الغرفه وراح عند اخته وسحب المهاد حقها وطاحت ع حافة السرير واخذ الشرشف وهرب وربي انهبلت يوم شفتها ع طرف السرير وطايحه ع وجهها

حاولت احتويه واحسسه اني احبه ولا يحس اني مشغوله فاخته عنه بس مافيه فايده

اصلا هو من قبل لا اولد مجنني ماياكل وعنيد ومزعج وحركته كثيره ودايم يحب يحوس البيت ويكب الاغراض ويكسر مايخلي شي في مكانه ويضرببني ويضرب ابوه واخوه الكبير

وفوق هذا كله الاحظ عليه تصرفات غريبه اذا جيت بنومه يقولي ماما انا اشوف ناس تمشي فالغرفه واحيان يقول انا اشوف سحر طاير فوق فالسقف

وماينام لين اقوله كلمة خلاص نام واذا ماقلتها مستحيل ينام

والاكل ماياكل ابد واذا جاع يطلب سندويشه واذا سويت له يخليها فيده لين تجف الخبزه وبعدين يقولي سوي لي ثانيه وانا عادرفه انو متملل من السندويش بس اذا جاع ماقدامه الا هو

مع اني اسوي له اكل وبطاطس مقلي وكل الاكلات اللي يحبونها الاطفال

وديته دكتور وعطاه فيتامينات وفاتح شهيه بس مافيه فايده وربي خايفه عليه اكله قليل او شبه معدوم

وحركته كثيره ونشاطه غير طبيعي انا خايفه ياثر عليه

وعنيد لدرجه ماتتخيلونها مايسمع الكلام دايم يفشلني عند الناس

ابوه دايم يتنرفز منه ويضربه ومايرحمه وربي احيان اخاف الولد يروح من بين يديه مره

وربي اذا شفته يضربه احس قلبي يتقطع عليه

تكفووون يابنات ساعدوني ابي حل لولدي ابيه يكون هادي ويسمع الكلام ومطيع

وابيه ياكل ولا يزعجني ع اخته وربي جننها مايخليها ترتاح

انا قربت افقد عقلي من تصرفاته وربي ماقدر اتحمل شغل البيت وبنتي صغيره ماتمت شهر وولدي المزعج

الله يعين بس

تكفون يابنات ابي تفااااااااااااااااعل ولا تهملون موضوعي كالعاده….

وربي تعبت تعبت وحاسه اني راح انهار بيوم من الايام 😥 ➡

انتظر ردودكم الله يجزاكم خير ويجعله في موازين حسناتكم

ودمتم بود