عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كل عام وانتم بخير يارب و الله يعيده علينا بالخير و الصحه
بدخل بالموضوع على طول 🙁
ولدي من 4 ايام معاه امساك
اول يومين كان يبكي بكى يقطع القلب لدرجة انه يتلوى وانا شايلته من الألم و يشهق
وديته للطواري و اعطوني تحميلة الجلسرين << ملينه
و استخدمتها له 3 مرات وكان يتبرز بعدها … اما لو ما اعطيه اببببدا ما يسوي شي وانا ما ابي اعود جسمه عليها
استخدمتها له يومين …
اول يوم مرتين وحده الصباح والثانيه بالليل لاني كنت مفكره بكذا بنظف بطنه و بيرجع طبيعي
و خليتها اليوم الثاني ما عطيته كنت بشوف وش النتيجه بتكون !!!
لكن للأسف رجعت و استخدمتها ثالث يوم مره وحده لانه ما سوا شي خلال ثاني يوم
و طبعا غيرت حليبه كنت اعطيه ابتاميل 1 , الحين اعطيه ابتاميل للإمساك و الماغص
الحمدلله ماصار يبكي و يتألم لكن ما يسوي شي !! 🙁
وانا خايفه عليه مررررره ما ادري شسوي
تكفون شورو علي من خبرتكم انا خايفه عليه من العلاجات و الادويه ولا ادري شسوي 🙁
نسيت اقولكم
ثاني يوم شربته شوييية مُره قالو زينه ومادري ايش وما نفعته و قالت وحده من قرايبنا لا تضر للمواليد
وانا احترت وحده تقول اببببد ماكنت اعالج عيالي الا بها والثانيه تقول لا 💡
تكفون دعواتكم له ان الله يشفيه والله اني كل ما شفت موضوع وحده تبي دعوه لنفسها ولا لعيالها ولا لأي احد وربي ادعي لها من كل قلبي وانا ما اعرفها
ويليت اللي ما عندها خبره مثلي عالأقل ترفع الموضوع بدعوه 
