ولدي 3 سنوات وشقي شقي شقي @: والله تعبت الله يحيمه

كيفكم ان شالله كللللكم بخير ويحفظلكم اطفالكم

انا ولدي عمره 3 سنوات باقي له اسبوع ويصير 3 سنوات الله يحميه

لكن من صغره الى الان مجنني مطلع عيني بشقاوته

احسه مزعج لابعد الحدود 😡

من قوة ازعاجه ما شالله محد يبغاه ومحد يحبه

ما اقصد انه يكرهوه لكن مضايقين منه

لمن اروح لبيت اهلي امي تقولي يوووووووو ايش جابكم بس طبعا بمزح

بس انا عارفه انها تتعب من ولدي

لانه ما يخلي شي في ادراجها ولا في البيت كله الا يطلعه ويقربعه

يطففففش

لازم تجري وراه كل مكان

واذا غبت ثواني الاقيه يا فاتح قارورة مويه وكابها كلها فوق السرير او على الكنب

او يروح للاجهزه في المطبخ ويخرجها كلها

المهم ما يخلي شي في حاله لازم يطلع كل شي

وفوق هذا كله اتخيلو ما ارتاح في الخرجه الا ادا اخذت العربيه حقته معايا المفروض في العمر هذا مو حق عربيات

واذا نسيتها يكون يوم نكد بالنسبه لي وارجع البيت بسرعه لانه نكد علي خرجتي بس خلاص ما صرت احطه فيها لانه برضو يسوي نكد ويبكي بصوته ويفضحني اليين ما اطلعه منها

لازم يجري

يجلس شوي معانا وما يخلينا نتهني يبغى يبعد عننا ويروح بعيد وما يهمه ما شالله يجري ولا يطالع وراه ولا يخاف ما شالله

واذا انتبه انه احد بيجري وراه عشان نمسكه يزيد من سرعته عشان ما نلحقه يصير يجري بدون حساب وبدون خوف

المهم اذا اخذته معايا اي مكان يفشلني يقرفني ينكد علي حياتي اصير ابكي من شقاوته

وطبعا ما صرت اخذه عند احد ولا ضيوف لانه يفضحني ويفشلني حتى الناس باين انها مضايقه منه ومن اللي يسويه

ما يروح مكان الا لازم يكسر او يخرب شي للناس

حتى الحريم بنفسهم يقولو يا ولدي اجلس ما خليت امك تجلس ترتاح

والله ما يخليني اجلس في مكاني دقيقتين على بعضها اصير اروح وراه كل مكان مستحيل يجلس ما شالله عليه

ما يقدر الله يحميه يجلس على بعضه حتى وهو ياكل ما شالله يروح يمين شمال ينطنط يلعب

الله يحميه ما اتذكر انه في البيت جلس على بعضه لمدة ساعه بس لمن يجي توم وجيري بس ولمن يخلص توم اند جيري يرجع لعادته

اما بيتي هذا حكايه لوحده والله كان بيتي محد يدخله الا يقولي ما شالله بيتك حلو

اما الان بيتي صار مكسر وحالته حاله بسببه ما خلا شي ما راح له ما خال اشي ما كسره

تعبت نفسيا والله تعب وربي دايما اجلس ابكي

ولا لمن اجي البسه ملابسه معاااااااااااااااانااااااااااااااااااااااا لوحدها

ما ينسدح ولا يجلس عادي لازم يروح ويجي ويصير يبغى يشرد ويلعب في نفس الوقت وما يبغى يلبس

والله يا ناس نفسيتي تعبت دايما اجلس ابكي

اقول ليش اولاد الناس غير وانا ولدي غير

لمن اشتكي لوحده من ولدي تقولي كل الاولاد كذا ولا تقولي حتى انا ولدي متعبني وشقي

لكن لمن تشوف ولدي وجه لوجه تقولي لا ما شالله ولدك متعب ايش هذا ؟؟؟؟؟

يعني هذا مو كلامي لوحدي عشان ما اكون مبالغه كلام الكل

امي لمن يغيب عنها تشتاقله لكن بس يجلس عندها ساعه تبدأ تخاصمه وتزعل منه

المشكله انا موظفه وما عندي شغاله وما اقدر اجيب شغاله

اصلا حتى لو جبت شغاله ما راح تتحمله وانا متأكده انها ممكن تضربه من ورايا من شقاوته الله يحميه

شغالات امي ما يقدرو يتحملوه الله يحفظه بس

طبعااااااااااا عندي كلااااااااااااام كثير وحكاوي كثيييييييييييييييير

بس صعب اكتبها كلها طبعا هذا غير عن شقاوته لمن كان صغير

انا كنت على امل انه يكبر ويعقل

بس انا مو شايفه اي تغيير او اي شي ايجابي

اللهم انه صار يفهم اكثر لمن اقوله اجلس اوقف لكن برضو ما يسمع الكلام

مين عندها حل ايش اسوي نفسي احمل بس مو قادره بسببه والله

كيف اخليه يهدئ كيف اخفف من جرأته الزايده الله يحميه

كيف ارتااااااااااااااااااااح وربي تعبت تعبت تعبت بس ابكي من حالتي اللي غير عن كل الناس

بلييييز لاحد يقولي كل الاطفال شقيين ولا كل الاولاد متعبين

لا لا انا ولدي غير عن البقيه بشهادة الجميع مو مبالغه مني
ارجوكم ابغى حل