ومصيبة المؤمن معزه وتشريف

مابان دمع به عيوني غـــــرايق= لو بان يمكن قالــــــــوا الناس تزييف

ولا شكيت الهم عند الرفايـــق= من يشتكي للناس يرجي مطر صيف

الناس لو عرفوا جميع الحقايــق=ماعندهم قــــــــــدره ولا قو تصريف

اشكي على المعبودرب الخلايق=والشكوى لله ماوراها تحاسيف

يافايق القدرة على كل فايق = ياجامع عقب الفراق المواليف

يالواحد اللي ماتعوقه عوايـق = اطلبك انا يالله تشفي لنا طيف

اشوف حالتها ولاني يطايق =لا في يدي حيله ولا هي على الكيف

مالي على الحكم المقدر طرايق= لو كنت فارس وبيدي رمح او سيف

حتى اللذي بالطب عنده وثايق =ماله علىماقدر الله تحريف

كان الولي شافاه حنا شفايق = لاجل السلامه ماحسبنا التكاليف