عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته
كيفكم يا حلوات
شخباركم
معيدين ومستانسين
يا عسى هالفرحه دايم دوووم
أهنيكم جميعا من مديرتنا دانة الدنيا الى مشرفاتنا الى عضواتنا وما ننسى الزوار اللي مالهم نفس يسجلون (مشوار)
كل عام وانتو بخير
…………………………
راح شهر رمضان
صحيح كان قمة الحوسه ولكنه احلى شهر 😆
أدعي ربي يعيد علينا رمضان أعواما عديده
وأن الله يقبل صيامنا وقيامنا
تعب جسدي ولكن ما يهم طالما النفسيه مرتاحه ولله الحمد والمنه .. 👿
انشغلت كثير وما مداني ابد ادخل وانزل مواضيع ولا اقدر ارد حتى على مواضيعي
……………………………
على فكره موقع الفراشه مره متلخبط
يعني بعض الاحيان ادخل موضوع والاقي الرد مكتوب قبل الموضوع الاساسي
او فيه لخبطه بنفس الاسم يعني صاير كنه طلاسم فهمتوا شي؟!
……………………………….
بصراحه انا مسكينه في هالعيد
زوجي مداوم
والكل سافر علشان العيد
شرايكم تجون تعيدون معاي
لأني شوي وبستخف من الزهق
التلفزيون سخيف ومافيه شي كله حفلات غنائيه
واذا كان فيه فيلم فتلاقونه يا سخيف يا اكل عليه الدهر وشرب يعني من زمان جدتي
سلامات فاضيه انا اعيد من المطرب اللي مسوي نفسه وناسه وفله؟؟والا مسلسل غشمشم السخيف المتعوب عليه واللي متأكده ان محد تابعه لا من الخليج ولا برا الخليج هههههههههههههههههههههه
واللي يطفش زياده ان كل ما كلمت و حده ابي اسولف معها يا الاقيها راقده لأنها مواصله (تعرفون خربطة النظام شهر رمضان مع اول يوم بشوال مواصله اكيد لأن الناس تروح تفطر لازم ذبيحة نواشف مع كبده ومقلقل هههههههههههههه
والا الاقيها سهرانه في الاستراحه ماشالله
……………
بعدها جتني فكره قلت بتصل على زوجي قال ماني فاضي لك المراجعين كثير 
………….
في النهايه قلت خلاص مالي الا اجيب دلة القهوه وحلاوة العيد واعيد لحالي واجلس على الجهاز واحط موقع الفراشه مع ان مالي خلق نت مدري شاللي جاني
بعض الاحيان اكون مدمنه عليه وبعض الاحيان اطلقه بالثلاث ثم ارجع له ههههههههههه
………………………….
حطيت على قناة السعوديه قلت ابي احس بالعيد اكيد عندهم لقطات غبار تذكرنا بعيد زمان
لقيت حتى هم حاطين فيلم سخيف (مدري متى بتطور هالقناه الراقده )
……………………
ماعندي الا الله ثم هالبزارين الله يصلحهم كل شوي واحد يفلق راس الثاني الحمد الله ما صار فيه اشلاء ودماء
والضحيه الأم المسكينه اللي تعيد على صراخ اطفالها
زمان كانت تسمع اغنية ومن العايدين ومن الفايزين ان شالله احباب احباب اصحاب اصحاب (اكيد عرفتوها هع)
واللحين صارت تسمع الطلقات الناريه والصراخ الحاد من الاطفال الله يحفظهم……… 😛
…………………………..
نظام الغير متزوجات في العيد 😎
تروح تحط قناع وتنتف يدينها ورجلينها كأنها بتعرس والا احد بيفتش على رجلينها ويدينها هههههههههههه
وبعدها تسهر على التلفزيون
وتصلي الفجر
بعدها تروح تتسبح
وتجلس تتجهز ساعتين عند المرايه
وبعدها تروح تفطر
وبعد الظهر تنام وتنام وتنام وما تصحى الا بدريل فوق راسها
وبرضو تروح تتسبح لأن برستيجها وما يسمح لها تطلع الا وشعرها ميه ميه وبرضو تتجهز ساعتين عند المرايه وتلبس وتطلع تتعشى وترجع تعبانه مافيها حتى تمسح المكياج وترقد
…………………………..
نظام المتزوجات في العيد.
طبعا من قبل العيد بيوم وهي تنظف بيتها وتمسح البيبان والدرايش( الشبابيك)
وتكنس وتمسح
وتنظف المطبخ تنظيف شامل
وترقد عيالها
وبعدها طبعا ما ترقد
تروح تجهز اغراض عيالها وزوجها:P
وما تجي صلاة الفجر 👿 الا وكل شي جاهز ومرتب وعبالها وزوجها ماشالله يلقون من النظافه واللمعان
ريحتهم عوده وعطر فرنسي يا عيني احلا ريحه ➡
ماشالله
الا هي المسكينه قررت انها ما تتسبح الا بعد ما تجهز كل شي
وبعدها تتسبح وتلبس وتتبخر وتطلع هي والعائله الكريمه لجمعة الفطور عند كبير العائله
بعد ما فطرت راحت ترقد شوي (وعليه عليها)
وبعدها نفس الشي تروح تجهز العائله الكريمه الله يحفظهم
طبعا لا تنسون معظم المتزوجين يتهاوشون قبل العيد بيوم مدري ليه ههههههههههههه
وبعد صلاة العيد يصيرون كذا
سبحان الله 😉
واخر شي هي تتجهز وهي تركض حتى الروج تحطه وهي تركض 😐 ههههههههههههههههههههههههه 😛
……………………………..
اه بس يا زين العيد كله زط ووناسه
………………………………
واولا واخيرا كل عام وانتو بخير جميعا بدون استثناء
اختكم في الله أم البتول 2006
لتصحيح المعلومه عن اللي بيحرق المصحف
تابعوا موضوعي
http://satfrequencies.com/girls/alfrasha…/#post38532883
