وين الوعد ياناسي كل الوعد (انا ماقصرت بشي بس راح وخلاني

ماقدرت اعبر عن اللي بداخلي غير بهالبيت والله العظيم اني تعبانه يمكن بعض البنات مايعرفون القصه وهذي رابط الموضوع وقرو اللي كاتبته اول صفحه
http://satfrequencies.com/girls/alfrasha126/thread1140388/
وبعدها يابنات
سبحان الله كان راح يجي وجهز سيارته ورسلي رساله وقال جاي بكلم ابوك على رجوعنا وكان مره مبسوط ويقول ماني مصدق ان اليوم راح ادخل بيت الانسانه اللي احبه بعد مده طويله ويمكن اليوم اشوفها بس سبحان الله ابوي كان معزوم ورديت عليه وقلت لاتجي ماراح تلقا ابوي وتعال بكره وقال خلاص راح اجي اليوم بكره وبعدها ماجا وانقطع عني واليوم وصلت لي هذي الرساله

والله يابنات اني لما وصلت لي الرساله نزلت دموعي على خدودي كنت انتظر الحظه لرجوعنا والله اني تعبانه جدا جدا وصبر نفسي قدام اهلي انا تحملت اشياء كبيره وتعبت موقادره اتحلم مره ثانيه صبرت علشان اني احبه وبالخير النهايه الفراق والله يابنات اني استخير فيه وعكس مايصير له يصير لي انا ارتاح واشوف احلام جميله ونفسي ترتاح واشتاق له اكثر وقتها رجع متعافي من قراءة الشيخ ورجع لنفس حبه لي بس اللي نكد العيشه فصله من العمل حقه والظروف الماديه ولما كان بيجي ابوي ماكان فيه والله يابنات كرهت النوم ان نمت حلمت فيه انا احبه وماحدغيره سكن قلبي وقبل فتره وعدني مايتخلا عني والحين يقول مايقدر استخار ومو مرتاح انا اشوفه بكل مكان استغفر ربي واقرا قران واصلي بس برضو حزينه مالي نفس بي شي بس احط راسي على المخده على طول يجي بالي انه خلاص ماراح اشوفه طول العمر وتذكر صوته وكلامه وجهه وحتى عيونه وجلس ابكي ادعي ربي واقوم واستخيرفيه واشتاق له زياده ودي ربي يجمعني فيه بيت واحد وراح ادعي واستغفر وماراح امل بس اخاف اليئس يدخل قلبي كل ماتذكر رسالته اقول خلاص ماعد فيه امل هو اقتنع ان مافيه نصيب والله يابنات اكتب لك وانا اتخيله لما كان جالس قدامي ويش اسوي ماقصرت معه ابد والله دمعي تنزل على المخده واقول بنفسي معقول ينساني بعد هالحب هذا كله لاتلموني يابنات انا عشت ايام معه اسعد ايام حياتي وقبل الطلاق بشهر كانت اكثر فتره قاسيه علينا وبعد ماشفي رجع وقال انه يبيني ويبي يرجعني ومشتاق لي موت وربي يابنات كان مبسوط ان رجوعنا قرب وقالي في بعدك وربي تعذبت ماتتوقعون كنت مانام من الفرحه حتى صحتي رجعت وكنت افكر كيف نحل المشكله ويشهدموضوعي وقول بنفسي مايهمني العرس ولاشقه اهم شي اكون معه وربي يعوضنا وراح اصبر وكنت عارفه ايش مقبله عليه من حياتي وربي شاهد ماكنت اجامل اني بعيشه معه على 700 والحين الهم يعذبني واحس انه خذلني وكسرني لدرجة صرت اصدق كلام الشيخ يوم قالي انتي فيك نفس معقوله كل مارد يرجع يتعب انا ارقي نفسي وسمعت رقيه بس ماحسيت بشي والله اكتب لكم وانا ابكي ودي اكون معه بالحلال الله يفرجها علي

على فكره يابنات فيه شي نسيت اقوله انه بعدرسالته ارسل رساله وحده(قالي انه مايجوز نتراسل بعد اليوم قال كل رسايلنا الفتره اللي ماضيه كانت ماتجوز بس وقتها كنا بنحل موضوعنا واني ابي ارجعك بالحلال اما الحين دام مافيه نصيب بينا مايجوز نتراسل بي شكل من الاشكال ومافيه شي نتكلم فيه دام الاموروصلت للفراق علشان كذا ماراح افتح الجوال ولا استلم رسايل دام خلاص انتهى كل شي بينا ارجوكي لاتزعلين مني انا ماقصرت سويت كل اللي اقدر عليه بس ربك عنده حكمه بعدم رجوعنا واستودعك الله و انا يابنات مارسلت له شي بعدها وحترمة قراره رغم كنت اكتب رساله قويه بس مسحتها ) وبعد يابنات هو فاهم الاستخاره غلط ان الاستخاره ضيق او حلم وهي اساسن موكذا من شروطها
– إذا استخرت فأقدم على ما أردت فعله واستمر فيه ، ولا تنتظر رؤيا في المنام أو شي من ذلك
يعني كان المفروض منه انه يجي ويتقدم وان ماكان فيه خير بتصير اسباب وتعرقل الزواج يعني هو اول ماتضايق وحس بكذا قال مافيه خير الرجوع وهذا غلط علشان كذا هو ماخلاني اصحح له الامر وان الاستخاره امورتتقدر اما انها تيسر الامر اما انها تعرقل الامر اما رفض من الاب اما امر يصير يعيق الزواج موشرط ضيقه او احلام مزعجه