عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته
عن عَائشة رضي اللَّه عنها قالَتْ: قالَ رسولُ اللَّه صَلّى اللهُ عَلَيْهِ وسَلَّم:
«إذا أكل أَحَدُكُمْ فَليَذْكُر اسْمَ اللَّه تعالى، فإنْ نسي أَنْ يَذْكُرَ اسْمَ اللَّه تَعَالَى في أَوَّلِهِ، فَليَقُلْ: بِسْمِ اللَّه أَوَّلَهُ وَآخِرَهُ»
كيفكم ياَحلوين اَن شاء الله طيبَين الله يجعلكُم في ِخير دائَم
حبَيت انَزل لكم أطبــاق منَ فطورنا وان شاء الله تعجبكم وتستفيدون منهَا :/
من زمـَـان خاطري انزل الموضوع لكن انشغلت شوَووي وَكان بينتهي الشَهر ماَنزل الموضَوَع
لكن الحمدلله جاء اليوم المنــاسب وموضوعي شاف النور
أخليكم مع الاَطبــاق والَصور فديتكم فدوفد :/
اولاً نبدأ بصينية مكرونه بشــاميل
يقطع بصل بشكل طولي ويحمر في زيت قليل ونضيف عليه فلفل رومي مقطع مكعبات
ونأخذ صدور دجاج مسلوقه في ماء وملح ونفتتها ونضيفها عالكشنه السابقه ونضيف البهارات والملح
وخليها تتحمر شووي دقيقتين تقريبا وعقب مانطفي النار نضيف عليها بقدونس مفروم .. ونسلق مكرونه في ماء وملح ..
ناخذ الصينية نحط المكرونه المسلوقه عقب مااستوت ونضيف عليها الطبقه الثانيه طبقة الدجاج اللي سويناها
ونغطيها بطبقة بشاميل … البشاميل اللي تعتمديه دائم انا كنت مستعجله خلطت 3 ملاعق جبن وعلبتين قشطه وغطيت فيها الصينيه
وندخلها الفرن تتحمر من فوق وتحت
وهني وعافيه
الطبق الثاني صينية بطاطس مسويتها بنت اختي الله يعطيها العافيه
لكن السنــعه مغطيه الصينيه بقصدير ولزقت الطبقه الاولى في القصدير
الطبقه الاولى بطاطس مقطع مكعبات صغار ومقلي في زيت غزير
الطبقه الثانيه لحم مفروم : نفرم بصل ونكشن عليه في زيت قليل واذا تحمر نضيف اللحمه ونخليها تستوي
وعقب ماتستوي اللحمه نضيف حبتين طماط مفروم وملعقة صلصه وبهارات وملح ونخليها تتسبك 10 دقايق تقريبا
ناخذ صينية نضع الطبقة الاولة البطاطس المقلي والطبقه الثانيه لحم مفروم ونرش عليه بقدونس مفروم والطبقه الثالثه البشاميل
البشاميل 3 ملاعق جبن وحبتين قشطه وسط وندخلها الفرن تتحمر من فوووق
وهني وعافيه
الطبق الثالث رز بالشعيريه ..
نحمر شعيريه في زيت قليل واذا صارت ذهبيه نضيف الماء ونغسل الرز ونضعه على الشعيريه
ونغطي الرز بالماء تقريبا 2 سم ونضيف الملح والماجي ونخليه حتى يستوي :/
اصياخ الكباب
ناخذ صدور دجاج او هبره لحم ونقطعها مربعات صغار
ونتبلها في بهارات وملح 4 ساعات ونغرسها في عود شواء وبين كل حبه نضيف بصل او فلفل رومي
او طمام صغار .. ممكن تفرزنيها بهالطريقه
وممكن تستخدميها بنفس الوقت .. طبعا لها طريقتين طبخ
الطريقة الاولى : حمريها عالصاج قلبيها حتى تستوي
الطريقة الاخرى : ضعيها في صينية فرن وخليها تستوي تقريبا نصف ساعه
أفضُل الطريقة الاولى
والف هني وعافيه
فطائر جبن
زيني عجينتك المعتمده في كل مره وقطعيها دوائر ورشي عليها سمسم لو حبيتي ودخليها الفرن تتحمر
واذا استوت ضعيها في علبه وغطيها علشان تبقى لينه وحلوه
وعقب ساعه او ساعتين طلعيها وقصيها من النص واحشيها جبن وبقدونس ورتبيها بالصحن
نوع الجبن اي نوع تفضليه مافي مشكله انا استخدمت جبن سائل
مقادير العجينه
كوب لبن دافى
2 ونصف كوب دقيق
ملعقه خميره فوريه
ملعقه بكنج بودر
ملعقه ملح
3 ملاعق سكر
بيالة زيت
اخلطي السوائل مع بعض بعدين ضيفي عليها الدقيق وباقي المقادير
اذا حسيتيها شديده ضيفي قليل من الماء الدافى
وخليها تتخمر ساعتين
اصابع التوست بالعسل
خذي حبه توست وافرديها بالفراده وقطعي الاطراف
وخذي حبة جبن كيري وقصيها بالطول 3 مستطيلات وخذي قطعتين وحطيه بالتوست
جمب بعض في طرف التوست ولفيها زي الرول لزقي الطرف ببيض او جبن
راح تصير مستطيله معك قصيها من النص علشان تكون حبتين صغار غمسيها في بيض وبقسماط واقليها في زيت غزير
رتبيها بصحن التقديم واسقيها بالعسل
هني وعافيه
سمبوسه
الحشوات تختلف من لحم ودجاج وجبن
عوامــات البطاطس
2 كاس دقيق وحبتين بطاطس مسلوقه ومهروسه وشوية بقدونس مفروم وملعقه خميره فوريه
وملح وبهارات وشوي مويه واخلطيها عادي مثل عجينة اللقيمات وخليها تتخمر نص ساعه
وعقب اقليها زي اللقيمات :/
هني وعافيه
تبوله
قطعي الكمية اللي تناسبك من البقدونس وضيفي عليها حبتين طماط مقطع صغار جدا
اغسلي كمية قليله من البرغل تقريبا بيالة او بيالتين ونقعيها في ماء حار واضيفي عليها بيالة ليمون
واذا استوى وصار تمام
اخلطيهم مع بعض واضيفي ملعقتين زيت زيتون و5 ملاعق عصير ليمون طازج
وزينيها بصحن التقديم ..
وهني وعافيه
سلطة الجرجير لذيذه يابنات جربوها
ناخذ كمية من الجرجير ونقطعه بشكل طولي و كمية قليله من الملفوف الموف ونقطعه مربعات
وقليل من الخس ونقطعه مربعات ونخليها على جمب وناخذ مكرونه ونسلقها في ماء وملح
واذا استوت نصفيها من مويتها ونبردها في الثلاجه شوووي ونضيفها على الجرجير والخس والملفوف
ونخلطهم مع بعض ونعصر عليهم ليمونه ورشة ملح
ونضعها بصحن التقديم ونغطيها بطبقة من الخبز المحمص
ونضع بشكل خطوط صوص الرانش وصوص فرنسي
طريقة الخبز : ناخذ خبز مفرود ونقطعه مربعات ونقليه في زيت غزير حتى يصير لونه ذهبي ونتركه يبرد
وهني وعافيه
عن مُعَاذِ بن أَنسٍ رضيَ اللَّهُ عنه قَالَ: قال رسُولُ اللَّه صَلّى اللهُ عَلَيْهِ وسَلَّم:
منْ أَكَلَ طَعَاماً فقال: الحَمْدُ للَّهِ الذي أَطْعَمَني هذا، وَرَزَقْنِيهِ مِنْ غيْرِ حَوْلٍ مِنِّي وَلا قُوّةٍ، غُفِرَ لَهُ مَا تَقَدَّمَ مِنْ ذَنْبِهِ» رواه أبو داود، والترمذي
ان شاء الله تكون الاطباق عجبتكم واستفدتو منها وكل عام وانتم بخير
اذكرونا بدعوة جميلة في ظهر الغيب
فديتكم فدوفد
