عالم البنات النسائي كل ما يخص المرأة العربية من ازياء وجمال والحياة الزوجية والمطبخ
طبعآ بـ للحظه ضاقت بي الدنيا
وبصراحه ماقدرت ادخل من معرفي الاول .. لان بعض البنات والاقارب يعرفوني فيه
المهم مو هذا موضوعنا
يابنات انا مخنوقه : (
ابي احس إني انثى .. مابي انخطب اليوم واتزوج بكره
ابي احس بوجود شخص بحياتي
يهتم فيني و و الخ ، وبالحلال
هي مره وحده بس .. قبل سنتين انخطبت وكان الرفض من الوالده
وبعدها خلاص مكانك سر يالخطب !!
متمسكه بصلاتي وصدقتي واذكاري واعمال طيبه بأذن الله
بس ليه قاعده اشوف غيري .. يكلمون شباب
ويطلعون مع شباب والنصيب مااشاءالله متعدي الخط الاخضر عندهم !
ونجي لناحية الشكل من بعد الحظ والنصيب
الاشكال عاديه .. عشان مانقول الشكل مشكله !!
كل ماسمع خبر خطوبة او زواج فلانه وفلانه وفلانه
تخنقني العبره واحس ب ثقل ع صدري مايزيح غير بالبكاء
وادعيلهم بالتوفيق وانهم يعيشون بسعاده
لان مقصدي مايكون حسد او غيره .. بالعكس بنات مقربات لي ماابي لهم غير الخير والسعاده
والحمدلله عايشه مدللة مدلعه عند اهلي .. وماليه قلبي بـ حب عائلتي
بس حتى ولو .. بداخلي نقص
نقص مايمليه إلا رجل بحياتي
رجل يكون شريكي وحبيبي وزوجي
لو ابي املي هالفراغ والنقص .. الطرق والسبل كثيره
لكن انا اخاف ربي .. وابي الحلال والحياه الحلوه
وانا من مواليد 1408 < يضيق صدري حتى لو ب حسب عمري
الحمدلله ع العافيه
بنهاية هالكلام
في اشياء اسويها وتساعدني ع الزواج ؟!
دعاء مثلا < غصب عني صرت افكر كذا
و الله كريم : )
