..((يآنآس هالطفله بتجننا عطوني حل الله يخليكم ))..

بقولكم القصه من البدايه

عمي متزوج وحده اجنبيه وجاب منها بنت وقبل شهر طلقها وسفرها لبلدها وجاب بنته اللي عمرها 3 سنوات ونص عندنا عشان نربيها الين يتزوج يمكن بعد سنتين او 3 سنوات
المهم المشكله البنت عنيييده مرره قسم بالله يابنات بحياتي كلها ماشفت طفله بهالعمر عناديه كذا 😆 🙂

لدرجه انا تعبنا معها هي بقسم جدتي وجدتي دايم يرتفع الضغط منها تخيلو تشغل قناة طيور الجنه وترفع على الصوت لأخر شي يعني غصب اللي نايم يصحى مو بس هالسالفه بعد خصوصا عند اللبس بحايل الحين في الليل برد مره وهي على طول تمرض اذا جينا بنلبسها شتوي تصارخ وتصيح وتضرب الين نتركها
كل الطرق استعملناها معاها بس ماينفع جيناها بالطيب ودلعناها خصوصا ان بيتنا مافيه طفل الا هي بس مانفع تتمادى زياده ومن ناحية الأكل ماتاكل شي نهائي بس عصير واذا قلنالها شي قالت كيفي مزاجي قسم بالله شوي ولا ننهبل منها 😆 hy:

تخيلو تلبس سنتيان وكالوت حق البحر واذا قلنالها البسي زين تطلع في الشارع بهالبس 😆 hy:

جبنالها شغاله علشان تهتم فيها جلست 5 ايام بس قالت انا ماقدر اتحمل طفله بهالعناد ابي اشتغل مابي اعتني بالأطفال
ياناس تجنن الواحد 😈

انا مابي اقسى عليها لأن مره كنت اقولها قصه في الليل قبل النوم قالت ابي اقولك قصه قلت طيب قولي

تدرون وش قالت .!:D

قالت فيه بنت صغيره ماماتها وباباتها تطلقو بعدين ماماتها سافرت وخلتها وصارت البنت ماعندها أم ❗

انا هينا انصدمت ماتوقعت تفكيرها كذا وانها فاقده امها مع انها ماتتكلم عن امها كثير

بعض الأحيان تصيح بدون سبب واذا قلنا لها ووش فيك
قالت كيفي مادري شلون نتعامل معاها الحين البيت كله يطنشها وماحد يكلمها وانا راحمتها حييل 😥