عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلاااااااااااااااااااااااااااام يا أحلى فراشات في الدنيا
و أخيييييرا ولدت و بدون صرااااخ عالي و لا شي و بكل أريحية و لله الحمد و جبت للدنيا أحلى راكان بالدنيا
و هذي قصتي و طبعا الفراشات اللي قرأوا موضوعي عن الصراخ و خوفي من الولادة :059: يعرفون القصة
طبعا آخر التفاصيل قلته لكم إن الدكتورة حددت لي السبت اللي راح اللي هو 15-12 -2007 يعني 6-12-1428
موعدي للتنويم حتى أبدأ طلق صناعي
طبعا يا بنات أمي عندي و الدنيا ما توسعني من الفرحة والطلق مو راضي يجي و دخلت السبت و أنا بكامل قواي الصحية ههههههههه يعني ما فيه أي ألم:0149:
و الساعة 11 أعطوني أول وحدة طبعا تحاميل و لا حسيت أبدا بأي ألم و لما الساعة 5 جاتني الدكتورة و سألت فيه ألم قلت لا قالت التحميلة الثانية و سألتها في تقدم قالت أبدا ما فيه أي تقدم و الرحم مقفل نهائيا مو راضي يفتح
و آخر الليل بدأ الألم في ظهري و آلام بس مو قوية يعني مو الآلام اللي ما أتحملها و عاد تعرفون نوم المستشفى تنامين و تصحين و تنامين و تصحين:062:
يوم الأحد الساعة 9 أعطتني الدكتورة التحميلة الثالثة و جاء الدكتور عاد تعرفون الدكتور اللي يمر في الصباح سألني قال متى آخر دورة قلت له دكتور ما فيه دورة إسقاط و على طول بعدها حمل قال بطنك مو كبير راح نوقف الطلق الصناعي اليوم و نبدأ نعطيك من بكرة و بطنك مو كبير بالمرة و طلع من عندي عاد أنا حزنت بالمرة و يأست حسيت ولادتي هذي فيها بلاء و مو طبيعية شوي إلا يجون مجموهة دكاترة النساء و الولادة طبعا كلهم نساء و دكتورتي معاهم و لما عرفت من الممرضة إن الدكتور وقف الطلق الصناعي زعلت و جالسة تتكلم مع الدكتورات طبعا بالانجليزي حتى ما أفهم مسكينة ما تبي تخوفني و تقول لهم هي انتهت من أربعين أسبوع و هي الآن في الأسبوع الثالث و الأربعين و هذا مو معقول إن الجنين يجلس كل هذي الفترة انتهى عمره الرحمي أنا سويت نفسي ما أفهم و سألتها يا دكتورة فيه خطورة ؟؟ قالت لا حبيبتي ما فيه شي … بس أنت ما تحسين بألم قلت لها فيه ألم بس مو قوي ألم عادي أقدر أتحمله … قالت شوي و تجي الدكتورة تعمل لك كشف نشوف هل انفتح الرحم أو لا؟؟؟
و طلعوا من عندي و أنا أحس بيأس … شوي و أنا جالسة أطالع سبيستون إلا يا بنات تخيلوا أسمع صوت مثل طرقة الباب داخل بطني و ما فيه أي ألم و خمس دقايق إلا و المويات تنزل علي سبحان الله و أنادي الممرضات و أسبب قلق عاد جت الممرضة و لما قلت لها قالت يمكن أنت يروح حمام قلت لا ما أبي قالت شوي و يجي دكتورة جات الدكتورة السودانية عسوووولة الله يكتب أجرها و يطمنها مثل ما طمنت قلبي قالت يالله لازم نشوف الرحم كم انفتح و نأخذ عينة من المويات و لما كشفت قالت الحمد لله 3 سم تخيلوا يا بنات 3 سم و لا ألم و لا شي و نزلزني تحت قسم الولادة و يقولون خلاص ولادة نزلوني و أنا عادي ما فيه إلا ألم بسيط و حطوا لي جهاز التخطيط و أعطتني ابرة مسكنة و قالت يالله نوم طبعا أنا اتصلت على أمي و زوجي و قلت لهم إن المويات نزلت و راح ينزلوني على قسم الولادة و شوي بعد ما أعطوني الابرة المسكنة إلا و زوجي داخل علي و علامات الخوف مع الفرحة واضحة على وجهه بس يجامل حتى ما أخاف و الله حسيت إنه خايف علي بس ما يبي يوضح حتى أتطمن :066:
و شوي إلا و استفرغ عاد أنا جوعانه ما أدري وش استفرغت و كانت الممرضة اللي عندي هندية يويويويويويو يا بنات الله يسعد قلبها مثل البلسم على الجرح عسوووولة و الله أحلف لولا الله ثم هي كان انجنيت بس جالسة تهدي فيني و تسوي لي مساج و تقول لما تجيك الطلقة كأنك في البحر و هذي موجة خذي نفس من أنفك عمييييق و طلعيه من فمك و نفذت اللي تقول له طبعا الحين الساعة 11 و شوي ادوخ من الابرة و تحط لي مغذية لأن قلت لها إني جوعانة يا بنات ما تتخيلون تجيك هذيك النومة الي لذيييييييذة و شوي إلا تجي الطلقة و شوي نومة و لا يصحيني إلا الطلقة و كذا حتى سمعت وحدة في الغرفة الثانية تولد و تصارخ شوي إلا و أسمع صوت البيبي في وسط أذان الظهر عاد زوجي جالس يقرأ قرآن عند رأسي و لما سمع صزت البيبي قال إن شاء الله إنك أنت عند أذان العصر قلت الله يسمع منك و استمر عندي الطلق بس الحمد لله متحملة و لما أتألم أتشهد و استغفر و شوي تجي دكتورتي و السودانية الممرضة نادتهم لأن نبض الجنين بدأ يضعف و الأكسجين صار قليل و قالت الدكتورة للممرضة تعطيني أكسجين و زوجي بالمرة متأثر و جالس يقول للدكتورة أنا و الله ما يهمني الجنين أهم شي أمه تكفين يا دكتورة إذا فيه خطورة على الأم سوي عملية و شوي تكشف الدكتورة السودانية و تقول 5 سم ما شاء الله تمااام احنا نحتاج 10 سم و ينتظرون نصف ساعة إلا و يبدأون يسألوني متى آخر مرة أكلتي ؟؟ هل تحسين نفسك جوعانة ؟؟ خلااااص بيدخلوني غرفة العمليات خايفين على الجنين تركوني حتى قبل أذان العصر بشوي و كل شي تماااام ما حسيت بالوقت أبدا و عملوا لي آخر كشف إن انفتح الرحم زيادة أو خلاص عملية إلا صار 8 سم طبعا خلااص طلع زوجي و شوي أحس إن فيه شي أبي أدفعه و لا ألم يا بنات و لا شي تتخيلون و الله بس آلام تقدرين تتحملينها شوي تبدأ تشرح لي تقول لي خلاص هذي هي انتهت الولادة و إن شاء الله تشوفي البيبي حقك و تفرحي فيه و تطمني على كل شي و تقول لي يالله خلاص ادفعي ادفعي ادقعي و أنا بس أدفع و خلااااص انتهت الولادة بكل رااااحة و جبت للدنيا أحلى نونو:090:
يا بنات نصيحة نصيحة لا تخافون كل شي في الولادة و الله تحسيييييييين براحة نفسية ما تتخيلينها و فرحة فرحة تنسيك الدنيا باللي فيها و الله إني صرت أتمنى هذي اللحظة تنعاد مرة ثانية:061:
و هذي قصتي تمت و لله الحمد
تحيتي للجميع:0151:
عن hamza99990
شاهد أيضاً
اقوى علاج للعقم
بسم الله الرحمن الرحيم السلام عليكم ورحمة الله وبركاته إلى كل من شهد الليل دموعها …