عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
موضوعي باختصار … عندي بنوووته الله لا يحرمني منها انولدت في نهاية الشهر الثامن تقريبا
وكان وزنها كيل و200 والسبب انها ماكانت تتغذى في بطني
المهم … انها جلست في الحضانه لمدة 4 شهور بسبب نقص وزنها الشديد وبسبب ضعف القصبه الهوائيه او ليونة في الحنجره زي مايسموها الدكاتره …وهو صوت يطلع منها لمن تتنفس زي الشخير وكتمه
خرجت من المستشفى والحمدالله هيا الان عمرها تقريبا 4 شهور و اسبوعين والحمدالله على كل حال وزنها كيلوين و 900
وفي البيت امتنعت نهاااائيااا عن شرب الحليب في الرضاعة بسبب انها اتعودت ع الانبوب في المستشفى
جربت معاها 3 انواع من الحليب سميلاك نيو شور س 26 و فيبي ملك وكلها نفس الحكايه
لمن تنام ترضع ولمن تكوون صاحيه لو امووتها ماترضع واتعلمت حركه الله يصلحها تجمع الحليب وتتفله
انا قولت يمكن تتعب من البلع او عندها مشكله في الحلق بس لمن جربت معاها المويه والسكر نبات تشربها وهي صاحيه وتبلع بس الحليب لااااااااا
المشكله الاساسيه انها نقصت تقريبا 300 جرام ونقص الوزن مهوو في صالحها لان وزنها في الاساس ناقص
جربت ااكلها لان الدكتوره قالتلي لازم تاكل قامت شرقت وخففففففت
الله يفرج همكم يااارب ساعدووني انصحوووني وجهوووني كيف اخليها ترضع
خايفه تكون محتاجه عملية في الحنجره وهيه صغيرررررره ماتتحمل
دعوواتكم لبنتي واللي عندها خبره تساعدني
علماا بانها مهي متاخره في حركاتها لانها تضحك وتلعب وتحاول تنقلب وترفع نفسها
قوولولي كيف لشربها الحليب جربت بالقطاره بالملعقه بس نفس الحكايه لمن تكون صاحيه تلعب ووتفله في وجهي
ولو تعرفوا دكتور اطفال كويس في جده قوولوووولي
الدكاتره قالولي انو مشكلتها مع التنفس تنحل ان شاء الله لمن توصل 3كيلو او 3 ونص بس المشكله انها بتنقص مابتزيد
