عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
ياامهات ساااااااعدوني تكفووووون
ولدي جنني قلب نومه نهاره صار ليل وليله صار نهااااااار
نجي لجذور المشكله :
ولدي عمره 10 شهور الحين له شهر تقريبا تعود وعودني معاه على نظامه العجيب هذا
كل ماجاه النوم في النهار نام طبعا مو بيدي ياانه يدوووووخ وينام ياانه ابوه الله يحفظه اذا سمعه يبكي قال اكيد يبغى ينام ويشيله وينومه واذا قلت لا تنومه الحين خله يصحصح معانا قال ماني مستعد اسمعه يصيح واخليه يصحصح وهو عنده نوم حرررررام لازم ياخذ كفايته في النوم هذا طفل ومايستحمل ومدري وشو ومايروح فيها الا انا في الليل يسمر معي ليييييييييين الساعه 8 او 9 صباح وينام بعدها واذا نام بدري ينام على 6 الصبح
المهم قلت انظم نومه هالخميس والجمعه
يوم الخميس نمنا الساعه 6 الصباااح وصحيته الساعه 12 الظهر وزاد اخذ له قيلوله في العصر ساعتين من 4 الى 6 قلت كويس ان شاء الله يبقى كذا لحد الليل وينام مره وحده لمن جت الساعه 12 الليل بدا يجيه النوم ونااااااام المشكله انه رجع صحي السااااعه 2 !!!!!!!!!!!! مدري اش الي صحاه خلااااص تعود السهر:D
طبعا رجع نام الساعه 6 ونص الصباح وصحينا الساعه 2 ظهر الجمعه واخذ له قيلوله الساعه 5 الى 7 المغرب لمن جت الساعه 9 الليل !!!! رجع نااام قلت يلا مو مشكله ينام الحين لو نص ساعه ويصحى وان شاء الله يرجع ينام على الساعه 2 الليل وفعلا اخذ له نص ساعه ورجع نام 2 الليل بس المفاجأه انه صحي الساعه 4 نشييييييييييييييييييط بسم الله عليه 😆 hy:وانا نايمه ومظلمه الغرفه وحاولت ارضعه بس راسه والف سيف يقوم
المهم ياامهات انا احس اني تعبت نفسيا وجسديا من النوم الملخبط هذااا
ونوم النهار ابد مايشبع والله احس جسمي مكسر وكله كدمات من التعب والمطارد الله يكتب اجرنا بس
عطووووني حل تكفووووون او ادعو لي ربي يفرج همي والله عمري ماشكيت اي شي لاي احد بس احس اني تعبت ونفسي افضفض
نقطه ثانيه وهي ان ولدي يحب ابوه اكثر مني هالشي يحزني مررررره مع انه يعلم الله قد ايش حنونه عليه واذا بغى ينام راح عند ابوه ينومه وكل مايشوف ابوه يصيح يبغاه يشيله 😥 والله اول مره اجرب طعم الغيره صرت اغار من حبه لابوه
تكفووووون واسوني تراني تعبااااانه 😀
