عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء الخير يافراشاتي العزيزات بدخل بمشكلتي على طول وهي تتعلق بالشغالات اقصد الخادمات وبدايه المشكله من السنه الماضيه تقريبا قبل اجازة الصيف بسبوعين كان عندنا خادمه سرلنكيه وكانت شاطره مررررررررررررره لدرجه كانها وحده من اهل البيت واستمرت عندنا اربع سنوات ولا راحت زياره ولا شي كانت تاجلها تقول عشان تجي الاجازه وتقدرور تشتغلواوانا بس اخذشهرين واجي وزي ماقلت كانت اخذه علينا مره لدرجة قبل سفرها بفتره كانت مقرفتنا بتدخلها وردها على التليفون وطبعا الي يسال عن مثلا امي كانت تعطيه الخارطه بالتفصيل وحذرناهاومافيه فايده لدرجة كنا نخبي التليفون عنها اذا طلعنا من البيت وطبعا الشغاله اذا انعطت وجه زياده تمردت وهذي كانت غلطتنا المهم كانت فيها غيره منا يالبنات في اي شي جديد نلبسه مع انا مانقصر معها بس طبعها فكانت عادتنا اذا سفرنا الشغاله مانعلمها بموعد الرحله الا في نفس اليوم ولما حجزنا لهاخبرناها وقلنا لها انامعطين مكتب الحجز جوازها وماقالنا ان فيه رحله غير اليوم عشان ماتاخذ في خاطرها المهم ودعناها ودعتنا بدموع وقالت انها ماراح تاخذ غيرشهر وخوي كان معطيها 3 شهور اجازه وكلمتنا لما وصلت وقالت بس شهرواجي وطبعا ماجبنا شغاله قلنا شهر اوشهرين مش مشكله ومرواكثر من شهرين ومابقى غير عشرين يوم ويخلص الثالث ولا جت وكلمناها وقالت لسى ماخلص الشهر الثالث وصدقناهاولما خلص الشهر عرفنا قصدها بس الوالده مو مصدقه قالت اكيد صار فيها شي لانها تحبها حب وتثق فيها ورجعنا وكلمناها ولقينا تلفونها مايرد لمدة عشر ايام اواكثر وكان وقت مدارس وخلاص رمضان على وشك الدخول وجبنا من الحبشيات الي يبطون الكبد وقدمنا اندونيسيه وتبهذلنا في رمضان مع الحبشيات ومشاكلهم بعد المعانه الي مايعلم بيها الا الله جت الشغاله الاندونيسيه اخر العشر الاواخر وكانت عيوب الدنيا فيها وصبرنا وبعد العيد كنا ناوين نرجعها بس شروطهم تعجيزيه يعني لزقوها فينا والا التسفير على حسابنا واستمرت عندنا ورضينا فيها وكانت تصرفاتها غير طبيعيه منها كانت تظاهر بالخوف والبكى المستمر من اي شيوكانت تقول قلبي مسكين مابي اطولها المهم انا ما ارتحت لها بس كانت ظروفنا ماتتحمل تسفيرها وكانت تحب كنس الحوش مره ملتزمه فيه من يوم يذن العصر وهي ياماشاء الله عليها تكنس فيه امعنها داخل البيت النظافه الله اعلم فيهااثر نظافة الحوش ماهي لله وبعد ماصار لها ثلاث اشهر كشفت امي انها وي شغالة الجيران يكلموا بعض وهاوشتها امي وقالت لا عاد اشوفك تكلميها ولا قالت امي لنا شي وبعد فترهاكتشفت وحده من اخواتي بعد ماصحت من النوموجت بتوضي للعصر الاوهي تسمع صوتها وهي تكلمها من ورى الجدار وهاوشتها وقالت وش فيها انا اكلم شغاله مثلي اسالها كيف حالك انتي من وين وسكتت وصرنا نراقبها وفي يوم من الايام كلمت مرت جارنا وقالت انتبهوا لشغالتكم تراها تراسل شغالتنا وشكلها ماهيب هينه وقالت امي هذا حال الشغالات مع بعض وقلنا بنقدم غيرها بس ظروفنا تتحسن ولما صار لها اربع اشهر كان مافي البيت غير انا واختي الصغيره وامي كانت مع اختي بالمستشفى والده الا والساعه خمس العصر التلفون يدق وارد الا وهي جارتنا وتقولي وهي معصبه شوفوا شغالتكم تراها مرسله لشغالتنا ربطة شعر وملفوفيين حول مفتاح قديم وانصدمت لما سمعت كلامها وسكت ماتكلمت لنها كانت واقفه في الصاله وبعد شوي جابت جارتنا الشعر واعطتنيه وكلمت اخوي وقال ابي احجز لها على طول من بكره وسكتنا وخلينا الوضع يمشي عادي عشان ماتحس وانتقلنا لبيت اخوي المتزوج في نفس الليله عشان ماتكلم الشغاله الثانيه وتحكي لها على السالفه وكانت رحلتهابعد يومين من الي صار المهم رحت السوق وشريت لها ملابس جديده وخبيتها وفي ليله سفرها شغلتها مرت اخوي كثير فسوت نفسها زعلانه وضبت اغراضها وقالت ابي اروح انام في المكتب واخلي ليموزين يوصلني والله يابنات انا انهبلنا يوم قالته لانها شكلها مستعينه بشياطين وكانت وقلنا هذي الي تخاف تجلس لحالها بالبيت وكانت اذا رحنا وتركناها تبكي وتقول انا مسكين لا يخليني لحالي وقمنا انا ومرت اخوي وخواتي وقلنا لها لا مانتي برايحه ودخلت وسكرنا الباب زين واخذنا المفاتيح وقررنا انا نتناوب على حراستها خفنا تقتل اي احد فينا وكنت اقول لخواتي بناخذ من شعرها قدامها ونقول لها لوسويتي سحر عندنا شعرك بس من باب التهديد والله يابنات انها من ليلتها وهي نايمه ان ها رافعه حجابها من ورى ومبينه شعرها وهي ماهي عادتها وحتى الصبح على الحاله ذي يعني مستعينه بالمره المهم عدت الليله ذي وكانت رحلتها الساعه تسعه الصبح وتفقنا نفتش شنطتها الصغيره وكانت تشتغل ماحست فينا ولما خلصت رجعت تفتش في اغراضها وتبكي وتقول اناما ابي اسوي سحر ليش يفتش اغراضي واحنا نهديهاونقول لها ماحدفتش اغراضك وش جاب طاري السحر المهم اختي الي اصغر مني حكيمه قعدت تقنع فيها وتقول شكلك تبين اعيالك وشان كذا انتي مافي شغل كويس خلاص انتي روحي تطمني على عيالك شهر اجازه وتعالي في البدايه ماصدقت بس قعدنا نقنع فيها لين استسلمت واخذها اخوي وقلعها ومن يومها حلفنا ان بيتنا مايدخله اندونيسيه تحسبون قصتي مع الشغالات خلصت لا لسى بعدها كان فيه رجل معروف يجيب شغالات من بنجلادش وكان الناس يمدحونه كثيررروقدمنا عن طريقه وخلال شهر من البهذله بدون خادمه جت الشغاله وكانت حليوه بس بعد يوم لحضنا عليها انها مغير تبكي وطبعا كانت جديده قلنا يمكن مشتاقه بس طولت وهي على الحاله ذي وكلمنا زوج اختي كان عنده عامل من نفس الجنسيه قلنا خله يشوف علتها وقال لنا انا الدوره مظطربه عندها ومتاخره وخايفه تكون حامل طبعا انصدمنا وقلنا خلينا نتاكد ومن بكره رحنا وحللناها بمستشفى خاص وطلعت فعلن حاااااااااااامل كلمنا صاحبها قال مستحيل تاكدوا من مستشفى حكومي وجوبوا لي تقرير يثبت وسوينا الي قال عليه وقال خلاص سفروها ونتحاسب بعدين وانا اذا رحت نهايه الشهر اجيب غيرها وسفرناها على حسابنا وطبعا اخوي استحى يقوله هات ثمن التذكره وقعد يابنات يماطل كل شوي يقول تجي الاسبوع الجاي ومرات يقول جايه روحوا استلموها ويروح اخوي يلقى ماجى احد المهم بعد جهد جهيد ومعاناه مايعلم فيها الا الله جت الشغاله وحسبي الله ونعم الوكيل مافيها اي شرط من الي قلناه وقلنا يالله احسن من لا شي اليوم يابنات تفاجانا انها تبكي وتقول انا بنجلادش يعني ابي اسافر مع انا والله معاملتنا من احسن مايكون والشاهد الله على كلامي وكلمنا صاحبها ولقيناه مسافر وكلمنا عامل -زوج اختي وقال انا مافهم عليها كثير هي تقول دكتور ومدري ايش وخفنا يكون فيها عله وقال اخوي مالنا غير ننتظر رجعة صاحبها يتفاهم معها انا نفسيتي تعبت مررررررره خلاص الي يصير لنا اتوقع ياعين ياسحر من هالشغالات الاندونسيه اوالسرلانكيه اوحض ابي رايكم انتم بعد وش تضنونه وقلنا انا وخواتي اذا راحت ذي مالنا غير نشتري من هالشغالات الي هم للتنازل الاي اصحابهم مايبونهم وش رايكم ينفعون والا لا عارفه طولت عليكم بالمره بس استانست يوم فضفضت لكم وشكيت الحاله لاني اعتبركم انا وخواتي صديقات لنا والله يعلم وش كثر احبكم واثق فيكم انتظر حلولكم والسلام عليكم ورحمة الله وبركاته :fragghagi
عن azhammad
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …