عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلاااام عليكم
يابنات الله يخليكم اقروا موضوعي للاخر
بناااات انا مدري وش اسوي بنفسي كرهت نفسي والله احقر مني فب العالم مافي
انا احب نفسي كثيييير وماأبي اي شي يزعجني او يسبب لي مشاكل
مستحيل أضحي بنفسي عشان اللي احبه ودايم اشوف اللي يريحني حتى لو كان هذا شي يقتله
انا كذابه ونصابه العب ع قلووووب كثير اوهمهم اني احبهم واانا قاعده اوهم نفسي اللي مثلي مايعرف الحب ولا عمره بيعرفه اناااااانيه لابعد الحدود
يابنات والله اني اكتب لكم ودموعي ع خدي وجسمي كله يرتجف
في بنات هنا في المنتدى يعرفون قصتي لاني كتبتها وخليتها يومين وحذفتها ع بالي خلص انحلت المشكله
انا البنت اللي خلت خطيبها و ابن عمها اللي يموت فيها ومتعلق فيها من سنيييين حطمت قلبه وبعثرت احلامه اللي كان يبنيها طووول 6 سنوات تركته بكل سهوله قالتها كل شي انتهى ورااااح بدون اي مقدمات تدرووون ليش عشانها لقت واحد ع النت احسن منه بالف درجه
احسن منه من ناحية الاخلاق والدين والشهامه
لاتقولون اللي ع النت خدعها لا انا اللي خدعته انا المخادعه النصابه اللي علقته فيني ووعدته اني ماأخليه واني راح اكون زوجته وامه وطنه وسكناه في النهايه راحت خلته كمان وبكل سهوله عشان لقت واحد احسن منه من ناحية انه من نفس بلدها وكل الصفات اللي فيه موجودة
اكيد في بنات ذكروني وفي بنات لا اللي ذكروني يسمعوني للاخر واللي لا
انا اقلكم السالفه وهي اني بعد ماتعرفت ع الشاب اللي من غزة الملتزم المجاهد الاخلاق واللي يموت فيني هو وأهله كلهم احترت في امرة وفي الطريقه اللي بقول لاهلي عنه خصوصا ان تقدم لي شخص ثاني جاني مدري من وين فجاْة دق بابنا وقال خاطب وهو اللي اقولكم عليه هذا الشخص الثالث اللي قلت انه احسن من اللي بالنت مو قاعدة اشوف الاحسن حضرتي ابي الزييين ماأبي اتعذب عادي اللي بحطم قلبه عادي يتعذب بس انا لا انااااانيه واحب نفسي وابديها ع اي شي المهم احترت اوافق عليه او ع اللي من غزة اللي قطعتله الوعووود الكذابه وسألت الفراشات هنا
وهم جزاهم الله خير نصحوني اني ابتعد عنه لاسباب عديدة اهمها الشكوووك والمشاكل اللي راح تصير بينا بعد الزواج وان علاقتنا محرمه وان لازم اتركه لله عشان الله يعوضني خييير وفعلا اخذت بنصيحتهم وتركته لله مع العلم ان مابحياتي سمحت لنفسي اني اتكلم مع شاب سواء بالتلفون او بالمسن بس هذا الشاب تعرفت عليه فجاءة وتركته بعد ماعلقته فيني
طيب وين المشكله الحييين
المشكله ان بعد ماكتبت موضوعي ونصحوني البنات بتركه والموافقه ع الثانياللي تقدم رسمي ارسلت له رساله قلتله فيها ان بابا عرف كل شي واقسم علي اني ماأحكي معك ولا ارتبط فيك واعتبر هذي اخر رساله قاعدة اكذب عليه كمان ماقلتلكم كذابه وحقيييرة
المهم هو مارد علي 15 يوم تقريبا واليوم 3 من خواته اللي بعرفه وكنت بحكي معهم هم كمان ارسلوا لي رسايل ع الجوال انو اخوهم مرييض من قبل ماانا ارسل الرساله يعني صار عنده نزيف فجاءة من وحدة من الاصابات اللي كانت عنده وحالته خطيرة جدا وقالولي ان اخوهم ماشاف الرساله والحمد لله ان ماشافها لان لو شافها رااااح يموووت وهم خواته كانوا زعلانين علي كثير وبيرسلوا لي رسايل عتاب طول اليوم انا مارديت عليهم قلت يمكن هو مرسل اخواته وعامل حاله مو شايف الرساله
قلت لازم اتاكد بنفسي وقبل شوي دخلت ع المسن لقيت اخوة قالي انه اخوووة عندة نزيف من 15 يوم ولو استمر اكثر من 38 ساعه راح يروح فيها
طيب يابنات وش لازم اسوي انا الحين اكلمه بكرة عالتلفون ولا لا قولوا لي وش اسوي الله يخليكم
انا طبعا مو ناااااويه ارجعله ابداااا مستحييييل لا خلص انا وافقت ع الشخص اللي تقدم لي وزواجي بعد 3 شهور
بس هذا الولد كيف اتصرف في بنات قالوا لي اقوله ان ابوي متعصب انا قلتله هالكلام اكثر من مرة وقال لاتخافين راح اجيب ناس يتوسطون لناولا تقولون قوليله تقدم لي واحد ثاني وانا مستحيييل اقوله هالشي وليش اقوله عشان اجرحه اكثر بتقولون لي اتركيه وطنشيه وماعليكي منه
اقولكم ممممممماقدر اصلا بالله لو انتوا مكاني وقالو لكم اللي يحبك بين الحياة والموت ومايدري انك تركتيه بتطنشووون
انا مقبله ع زواج يابنات ومابي اي شي يشغل تفكيري غير زوجي وبيتي واولادي واذا هذا الشخص مااات من غير مااكلمه او ابرر له او اسوي اي شي عمري ماراح انسى وضميييري راح ياأنبي وحتى لو قام بالسلامه وهو مو عارف اني تركته كيف راح يكون موقفه انا حاسه ربي بيعذبني كثيييير على اللي سويته فيه وفي اللي قبله
يابنات انا مو قاهرني الا ان الولد طيب ومسكين وعاش كل حياته عذاب في عذاب دمار في دمار كل يوم يموت له حد وهو صاااابر ويقول اكيد ربي بيعوضني ع صبري وانتي اكيد الشي اللي ربي بيعطينياه وبينسيني كل شي
انا اعترف لكم يابنات انا ماحبيته لا انا اشفقت عليه وعلى حاله وقلت حرام خلني معاه يمكن يكون هو نصيبي فعلا واأقدر اريحه واخفف عنه بس بعد ماعرفت ان اللي يصير مامنه الا الفضايح وغضب رب العالمين قلت اتركه
طبعا هو بما انه من دوله ثانيه فااكيد منفتح اكثر منا ويشوف اللي نسويه صح وانه بيتقدم لي ع سنه الله ورسوووله وانا كنت اوافقه واوعده كمان وياليتني ماوعدته انا اخلفت بالوعد وصرت خاينه ومنافقه
والحين ماأدري كيف اتصرف مابي اجرح هالانسان زيااادة وابي اطلع من حياته بهدوء وابي اعيش باقي حياتي بدون مايانبني ضميري تكفووون
انا خدعته وعيشته بوهم والحين مابي أأذيه بأي شي كيف اسوي
يابنات الله يخليكم قولوا اي شي
انصحوني وجهوني سبوني اشتموني انا استاهل اكثر من كذا والله والله والله كرهت نفسي والشخص اللي تقدم لي رسمي اللي كل البنات تتمناه ماأستاهله احسه كثييير علي
والله يخليكم اللي تدخل وماتبي ترد ع موضوعي ترفع لي الموضوع بدعوة ان الله يشفي الشاب الغزاوي ويقومه بالسلامه ويخليه لاهله ويمحى حبي من قلبه وذكراي من عقله امييييييين يارب العالمييييين
