عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اول شيء السلام عليكم ورحمة الله وبركاته
انا يابنات قبل الزواج اش حلو يدي تجنن يابنات اصابيعي طوال وفاتحه واظافيري مبرده ومافيها اي شيء 😥
بسم الله عليها قعدة بس فترة الزواج وانا فرحانه ومبسوطه 😈
والحين يابنات صار لي الحمدلله سبع سنوات والله لو تشوفوا يدي تقولوا
يد كهلة:)
والله طفش يابنات اذا رحت المنتزهات او المستشفى او السوق او اي مكان واشوف ماشاء الله يد الحريم بيضاء ونااااعمه وكل دقيقه وهما يرفعوا عبايتهم على الراس عشان ماتطيح ويدهم تاخذ العقل والله انهم فتنه 😆 hy:
فتنوني يابنات وجننوني والله اني اطالعهم كأني رجال ما كأني حرمه زييهم فما بالكم الرجال وهما يطالعوا فيهم
آه آه تكفون نخيتكم انكم تشوفولي حل
لا تقولون رطبيها بالكريمات والله مابقيت شيء اشتريت اكثر من كريم
عندي نيفيا ودوف الوردي والأصفر وأخيرا اشتريت الفازلين الوردي حق اليدين والأظافر
لاكن البلاء من المفاصل هي اللي شيبتني وطلعت لي قرون يابنات والله قبل لا اتزوج ايش زينها
والحين اغمق من يدي ومعطفه ومجعده كل مفصل اخص من الثاني التجاعيد اللي في المفاصل مررره واضحه ومسمره عن باقي يدي
والله يوم الخميس اللي راح كان فيه عزاء عند زوج خالتي توفى الله يرحمه قولو آمين
المهم انا سلمت على الحريم وجلست في غرفه بعيده عنهم وجات وحده من خالاتي وتسولف معايا
وشويه الا تقولي ايش فيها يدك مسوده
والله انها قالتلي بالحرف الواحد ولا قدام بنات خالاتي ماقدرت ارد عليها
بس قلتلها بسبب الطبخ والنفخ وتعرفين انتي الوحده تكون مقابله المطبخ دام عندها عيال
ونااس كثيرين وأولهم امي تقولي ايش فيها يدك اكيد عندك فقر دم قلتلها ايوه ياأمي عندي فقر دم
وانا الحمدلله مافيني الا العافيه
والحين بعد ماهذرت في الكلام عندكم حل للمشكله اللي انا فيها
مفاصل مسوده ومجعده
وتفكووني من الأزمه اللي انا فيها
لاتقولولي سوي ليزر ولا بوتكس ترى هذي الخرابيط ما تمشي على زوجي
وكل ما اقول له ابي اهتم وابيك تشتريلي يقولي انتي عاجبتني لاتسوين شيء
بس يابنات انا ابي اهتم لنفسي اول شيء وبعدين لزوجي
يعني شوفولي شي طبيعي
وانشاء الله ماتقصرون معايا حتى لو ماتبون تردون ادعولي ان الله يجملني في عين زوجي وما يشوف غيري ويبعده عن بنات الحرام
