يابنات زيت ازالة التشققات موجود بالرياض الحقوووا

مرحبا فراشات كيفكم ؟؟؟

لايفوتكم لقيت زيت اركان ((ارقان argan))) بالرياض وهذا الزيت قد تكلمت فيه وحده من الفراشات مغربيه مجربته صديقتها للتشققات الجلديه وفي روايه اخرى(( خطوط العافيه ));) وطبعا ايدتها وحده مغربيه ثانيه وقالت انها مجربتها عموما .. دوروا هالموضوع في الصفحات العاشرة من هالمنتدى ….

طبعا الحقوا هالزيت قبل لايخلص وتلقونه في معرض الربيع الدولي في شمال الرياض بجنب هايبر بنده وقبال المهوس للسجاد بالتمام …

ترى هالمعرض بينتهي يوم الجمعه هذي يعني بعد يومين .. وتلاقونه عند الجناح المغربي قسم اعشاب عاد لازم تطلبونه بالاسم لانه مايطلعه الا اذاسالتيه عنه …
وعلى فكرة علبته صغيره اصغر من قارورة الفيفادول وسعرها 40 ريال …..

وادعو لي يابنات بالتوفيق ودمتم بالف خير………….