يابنات شوفو ايش صارلي ؟؟

انا ياخواتي العزيزات باختصار متعوده اذا بغيت ازيل الشعر .. ازيل بثلاث طرق لاغير الا وهم الحلاوه ومن زمان تركتها احيانا استخدمها .. والآله .. واذا مستعجله الموس صديقي هذا حتى الشعر الصغير يطيره عشان كذا احبه..

المهم وذاك اليوم طبعا تعرفون الصيدليات ماشاءالله مثل السوبر تمشين وتقشي والاقي كريمات مزيله للشعر بروائح مختلفه قلت خلو نجرب من باب التغيير المهم اليوم استخدمته عشان كان عندي طلعه بعد دوامي مع صحباتي بالحديقه للفجريه (يوم نساء عشان كذا بتكشخ ) .. طبعا كنت مستعجله وامسكلك الكريم البخاخ بخ بخه وماعاد بخ بعده صار ينزل من الجوانب .. الذكيه الاهو انا طبعا بسم الله علي رحت اخذ بيدي واحط على على يديني كل وحده 6 دقايق زي ماهو مكتوب وازيل وكملت على السيقان وحده وحده ونسيت يدي الا اخذ فيها الكريم جالس عليها الكريم تقريبا نص ساعه لاني اغرف فيها ماشاءالله لمن غسلت ايش صار ..

اظافري تتقشر كنت احسب بقايا من الكريم الا هو اظفري عاد ماحب اظافري يجيها نكشه تقوم تروح كلها الحمدلله ماتقشر الا اصبع واحد الباقي ماقربتلها خليتها زي ماهيا بس اذا جاها مويه وقشرتها تروح على طول .. بس حبيت اكتب الموضوع عشان تنتبهو ماتسوو بلاهتي ..
على فكره استنتجت نظريه ومتأكده انها صحيحه انو الكريمات هاذي تذيب مكونات الشعر ماتزيلها واعتقد انو مكونات الاظافر نفسها شكلهم كلهم يحتوو على الكيراتين ..
على فكره الطلعه اتنكسلت بس مو السبب اظافري ..

الله يخليلكم اظافركم بصحه وجمال ..