عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
الحالة الدينية : عادية
الحالة الاجتماعية :عزباء
حالتي قبل النوم: عادية ما افكر بشي
انا حلمت اني تملكت على واحد اسمة عمر (وانا بالاساس ما اعرف احد بها الاسم ولاهو موجود بعائلتنا)
وهو كان تقريبا عمرة بالثلاثينات وانا في الحقيقة 19 سنة وكنت اقول انه شوي كبير علي
واللي اذكرة من شكلة بالحلم انه كان محلق شعرة ع الصفر تقريبا وشكلة ماكان شين
يعني عادي لاهو الحلو ولا هو القبيح
وكنت مستغربة واقول لنفسي ما اذكر انو صارت الشوفة الشرعية بييننا يعني على طول ملكت
(وحنا بالاساس ناس عادي نتقبل الشوفة الشرعية)
وقلت اني ماراح اتزوج الا لما اخلص جامعة يمكن بها الفترة اغير رايي تجاهه او شي
وبعدها قلت لبنت عمي اللي هي كبري قلت لها علميني وش اقول له لما يتصل علي ماعندي خبرة بها الامور
(وللعلم بنت عمي هذي انا اشاورها بكل كبيرة وصغيره على انها مثلي ماعندها خبرة بس بحكم حبي لها وقرابتي الشديدة لها احب اشاورها)
وفيه اشياء صارت بالحلم بس مو مهمه ولا اتذكرها بالضبط لأني حالمة بالحلم قبل يوم كامل تقريبا
