ياحسرافه كريماتي وتلطيخي عقب هالمعلومه << بالصور

<< ترفع برقعها وتمسح وجهها من التعب

جيت طايره وعباتي وراي تلوفح بالهوا وعجتي واقفه

اخيرن توصلت لحل لهالبشره هاللي مو راضيه تتسنع 😆 🙂

انا والله ما خليت كريم والا خلطه طبيعيه تعتب علي وكل مازل بشرتي بالحضيض

لين وقعت بمحض الصدفهِ << انتبهن للكسره ساعه ادورها بالكي بورد 😥

وقعت على وحده من صديقاتي بشرتها تجنن نظاره وصفاء وانا احشرها بزاويه قلت الا تعلميني

وش تستخدمين لاني اخبر بشرتها العن من بشرتي

المهم هي تدرس كيمياء غذاء وتغذيه تقول والله من اكتشفت ان سر جمال البشره يبدأ من الداخل وانا مدهره بالتغذيه

قلت لها شلون ؟؟

قالت لازم كل يوم اخلص خمس انواع من الفاكه او الخضروات 😡

يعني يوم اكل موز وبرتغال وخيار وطماط وتمر

ويوم الثاني بطيخ وفراوله وتفاح وبقدونس وجرجير

.. واليوم الثالث اغير وكذا …

طبعا مو مع بعض تاكلهن لا لا يعني طول اليوم لازم تخلص هالخمسه

وباقي الوجبات كيفها تاكل اللي تبي لو تاكل حجر خخخخ

وتقول الماااء لازم اربع وعشرين ساعه بيدي قلاص ماي

عاد قلت بس خلاص هذا الحل الاخير اذا ما نفع مع بشرتي بقطع راسي خخخ

عزيزاتي ..

اذا كنتي تستخدمين كريمات وخلطات استمري عليها لا تقطعينها لان العنايه الخارجيه مهمه ايضاً

بس اضيفي ع جدول العنايه التغذيه 💡

وهنا جمعت لكن معلومات مفيده بتستفيدين منها بأختيار الخضروات او الفاكهه اللي بتاكلينها

اول معلومه هي :

عن كيفيه اكل الخضار او الفاكهه

لا وحده تجيني وتقول عادي اكل الخضار مطبوخه لا لا لا لا

لازم تكون نيه ومو مقطعه

يعني مثلاً الطماطم اذا قطعتيها بسكين خلاص راحت فايده الالياف اللي فيها واذا انطبخت راح الماء اللي فيها
يعني لازم تاكلين الطماطم نيه وغير مقصوصه وعادي عليها ملح وهيك

ثاني معلومه هي :

البرتغال من اهم الفواكه المفيده للبشره وللجسم كامل لان فيه كل العناصر المفيده

فخليه عنصر اساسي بجدول التغذيه

بس اللي تسوي رجيم تخفف من اكله لانه يعتبر فاتح للشهيه بس مو تقطعه مره لانه حيل مفيد فحرام تحرم نفسهما من الفايده

ثالث معلومه:

الماء ثم الماء ثم الماء

عامل اساسي للترطيب

وبالنهايه اتمنى الكل يستفيد من الموضوع

وماعندي مشكله احد ينقل الموضوع عشان تعم الفايده للجميع

هالموضوع حبيت انزله هنا بقسم العنايه بالبشره لان هدفنا البشره اولن وباقي الجسم ثانيا << يعني لا تجيني مشرفه مطيوره وتنقل الموضوع لقسم التغذيه << ترا ادلوه ماني عميا خخ

دعوه صادقه تكفيني