ياخسارة ياحايل ماتوقعتها منك..!!

حيالله كل الفراشات دخلوا او مادخلوا موضوعي

اتمنى يكون الجميع بصحة وسلامة وكل عام وانتم بخير ➡

من غير لف ودوران انا لي عتب كبييييييييير على من استلم مناصب نسائيه بحايل 😛

بكتب لكم قصتي وانتم احكموا والله الله بالعدل من غير عنصرية:(

انا من الرياض وقدر الله علي هالسنة اعيد بحايل وكان لي الشرف والفخر بالشيء

وقررت اصبغ شعري ومافيه مجال ابد اني اسافر للرياض وطبعا قررت اصبغ بمشغل من مشاغل حايل

وبعد ماسألت مدحوا لي >>شغل<< مشغل ملامحالنسائي بالجمعيين حائل..:P

وانا ماكذبت خبر ورحت اول مرة ادخل وشفت الزحمة ووقفت بكل احترام انتظر دوري وبس خفت الزحمة على الاستقبال تقدمت وانا مبتسمة

وقلت:..السلام عليكم يعطيك العافيه اختي

الرد”…؟؟؟؟؟؟

قامت وخلتني وراحت تخلص شغله

مسكت اعصابي ورحت للجنبها مرحبا يعطيكم العافيه

والرد..؟؟؟؟؟؟ ولاحرف ولانظرة

وكاني مخفيه او هي ماتشوف المهم انا سكت شوي بشوف اخرتها

وشوي وتجي سورية قالت وهي مبتسمة تفضلي اختي قلت ابي

صبغه قالت قدامك عشرة قلت طيب انتظر والله يعين

دفعت وجلست انتظر وبعدها بساعه دق زوجي وقال لازم تطلعين الحين

ورحت للاستقبال ورجعت الفاتورة وطلبت فلوسي وهي ولاحرف وانا اقول انا اسفه اعذريني

بس بكرة راح ارجع اذا سمحت الفرصة

ولا احد يرد 😥

اخذت الفاتورة وفتحت والدرج ومدت الفلوس

وانا قلت الله يعوضها عليكم يارب

وقنت انتظر نص ابتسامة او نظرت شكرا لكن للاسف 😉 انصدمت…

وطلعت وقلت يمكن من ضغط الشغل ماالومهم

ورجعت بعد يومين الساعه 7المغرب يعني بعد الفطور

وكنت اول زبونه تدخل المشغل وبنت الاستقبال وحده ثانيه بس نفس الاسلوب والتعامل

اصلا مافي اسلوب

قلت ممكن يكون اخر الدوام لها وتعبانه ماالومها وجلست انتظر الكوفيرة

تجي قالوا ثمانيه تكون موجود ومادخلت الا9وربع دخلت زبونه قبلي

وانا رقمي واحد قلت معليش عندها ظروف 😐

لكن اللي خلاني اكتب واتكلم شيء اكبر 😀

بعد الصبغه اللي ماجت مثل طلبي ماحبيت اسوي مشكله وقلت بطلع

وادور وادور جوالي مالقيته هنا انا خلاص فاااااااض بي الكيل

وتذكرت انه بالبيت 😆

ورحت للاستقبال والادارة ..

كان فيه بنتين سعوديات عليهم كشره تجيب لك الهم لومافيك هم

قلت لو سمحتي نسيت جوالي ممكن جوال او تلفون اكلم لاني بطلع وبصراحة مستعجله وانا وربي منحرجة..:D

وبكل برود الدنيا قالت مافيه شيء

وربي لفت وجها وانا واقف واتكلم قلت ياأختي وش الحل دبريني وربي يشهد علي

اني بقيت واقف وهي ماشالتني من ارضي ولا التفتت علي

واللي جنبها نفس الشيء وبعدين قامت وراحت وانا طاح وجهي قدام الناس كانه احد صفقني 😛

ورحت

وسمعتنا وحدة وجتني وقالت دقي من جوالي

هذي الانسانه صدق اثبتت لي

ان اهل حايل هم الكرم وغسلت اللي كان بخاطري ودقيت

على زوجي وقال شوي واجي وجلست وبعد نص ساعه رجعت الاستقبال وقلت محد سأل عن ايمان <<<يعني انا

هزت راسة لا ورحت

وانتظر وانتظر عند الباب وربي اعلم بحالي

وكانت معي وحدة وقلت لها وش هالمشغل وش هالاسلوب

ليه بنات حايل كذا قالت والله انك صادقه ماعندهم اسلوب قلت

محتاجة اكلم ماحد ساعدني طيب لو جوالي معي ومافيه شحن

بيسوون نفس الشيء معي حتى شاحن للزباين مافيه قالت معك
حق بس مين يفهم

قلت طيب وين الادارة بروح اشتكي لانه وربي ماارجع لهم لو كنت
بامس الحاجه لهم

قالت الادارة والاستقبال واحد قلت طيب صندوق اقتراحات وشكاوي مافي

قالت لا مافيه

طيب انا وين اروح وش اقول انا انسانه مو جدار انا يمكن اغنى واحسن مهم على ايش الغرور بس لانهم تولوا منصب يعني وش هالمنصب 😳

من تواضع للناس رفعه والابتسامة صدقه

اللي مو قد الشغل ليه يشتغل لو شغلهم خايس واسلوبهم حلو يمكن هذا هون وخفف علي

لكن شين وقووة عين هذا القهر

ويدق جوال البنت وتطلع لاهلها وانا عند الباب وشوي والبنت راجعه ومعها جوال قالت هذا جوال امي والله لاتدقين منه

وانا فعلا انحرجت من البنت ودقيت على زوجي وثواني وكان عند الباب

وبس ركبت معاه قال انتي وينك قلت انت وينك من متى وانا داقه لك قال

انا جيت وانتظرت نص ساعه عند الباب وسألت عنك قالوا ماندري وينها؟؟؟

ايش مايدرون ويني وانا اسالهم يقولون محد نادى عليك …

وش هالفوضى والتسيب لو زوجي شكاك بيقول وين كنتي انا سالت قالوا ماندري وسين وجيم بس ربي رحيم خلى زوجي مايدقق على هالامور…

بعد هالموقف انا مستحيل ارجع لهم لو وش ماصار هم هالخسرانيين مو انا

انا ماكتبت اشهر او افضح انا كتبت من ظلم وقهر ليه هالاسلوب وين التعاون وين الابتسامه وين الاخلاق العاليه على ايش الغرور ياناس وربي لا احترام وتقدري

حنا بنات المسلمين المفروض يكون اسلوبنا ارقى من كذا شوي ..

واللي يقول شغل وضغط انا اشوف الكوفيرات هم اللي يشتغلون

ويتعبون والضحكة ماتفارقهم وهالبنات جالسات ومرتاحات

ومو عاجبهم بعد بس مكشرات وباردات لاخر حد او ميتات بمعنى اصح…

اتمنى اي احد مسؤل يوصل لهم اسفي عليهم وربي انا رحمتهم اللي مايعرف يبتسم ترى فيه دورات تعلم كيف الابتسامة وانا انصهم يدخلونها يمكن يكسبون زباين

وبعد هالموضوع انا انتظر تعليق الجميع وحكمهم…

ملاحظة لما تقلى اسلوب من ناس لهم منصب وانت بحاجة لهم معليش نصبر ونتحمل ونقول …إن كان لك حاجة عند,,,,,…قوله ياسيدي..

بس القهر والموت لما يكون هم بحاجة لك ويرفعون خشومهم
يعني لولا الزباين هم وش يكوووونوووون للاسف ومع احتراااامي ولاااااااااااااااا شيء….

…….سبحانك اللهم وبحمدك اشهد ان لا اللهم الا انت استغفرك واتوب إليك………