ياربي تحليل البيت بيجنني الحقوني

بنات الحقوني انا اتجننت من التحاليل دي والدورة اللي مو راضيه تنزل 😆 🙄

اليوم كملت 16 يوم والدورة بح متأخرة عليا اول شي سويت تحليل بول في المستشفى

بعد ما اتأخرت عليا 5 ايام وطلع مافي حمل الدكتورة قالت لي غالباً نتيجة تحليل البول في

المسا ماتكون صحيحه قالت لي اصبري كم يوم وارجعي سوي التحليل رجعت بعدها بـ 3ايام يعني

بعد ما تأخرت عليا الدورة 8 ايام سويت تحليل ابو عشرة ريال بالبيت وانا صايمه على الصباح وطلع خط

فاتح يادوب يبان وخط غامق وفرحت وزوجي فرح ورحت على المستوصف وسويت تحليل دم

والسستر لما سحبت مني دم دخلت الابرة بمكان غلط وبعدين رجعت سحبت من مكان تاني وبرضوا طلع

مافي حمل وصراحه استغفر الله حسيت السستر هبله وماتعرف شي لاانها المتني بقووووة في الوريد

عدت كمان 5 ايام واليوم حللت بول بالبيت بس زوجي جاب لي تحليل ادق من اللي قبله واغلى

وبرضوا طلع لي خط فاتح على وردي بس باين شوي وخط غامق انا احترت انا حامل والا لا ؟؟

اصدق تحليل الدم والا البول ؟؟؟؟ 😆 idea: ياربي والله تعبت دحين الدورة متأخرة لها 16 يوم 😆 hy:

وعندي الآم فضيييييييعه في ظهري واسفل بطني تجيني نغزات غريبة 😆 🙂

اليوم بروح على الداية تمرخني عشان الدورة بس ماادري الداية اذا كنت حامل تعرف والا لا ؟؟؟