يارب رحمتك ارجوا فلا تكلني الى نفسي طرفة عين

السلام عليكم ورحمة الله وبركاته
7
7
7
اخواتي الغاليات ماادري من وين ابدي
بس بكلمكم عن معاناتي مع الصلاة والشيطان…
حبيباتي انا من كنت صغيره والحمدلله كنت محافظه على الصلاة تقريبا من الابتدائيه
لان امي ربتني على الصلاة كانت تخانقن اذا ماصليت وكنت اشوف خواتي الكباريصلن واصلي مثلهن
يعني محافظه عليها كثير وكنت اذا اخرتها ولانسيتها يأنبني ضميري كثير واحس اني مذنبه طول اليوم
وعلى هالحال لين تقريبا قبل خمس سنوات صرت ااخر الصلاة وانام واخليها
مع اني اسمع الاذان صرت اجمعهن صلاتين ثلاث مع بعض
مافي خشوع صارت حياتي فوضى دائماطفشانه متضايقه استغفر كثير ادعي ربي بالليل
لكن اذا جاء النهار انام واخليها…..
انا الحمد لله فيني ايمان واتأثركثير بالاشياء اللي تقربني لله من اذكار ومحاضرات
كنت ادرس بدار للتحفيظ القران
كنت ملتزمه حيل وانصح اللي حولي والحمد لله لين الحين الحمد لله فيني دين لكن مشكلتي بس مع الصلاة…
فجأه تغيرت حياتي صرت مهمله بالصلاة كثير اقوم وانا كسلانه وبسرعه اخلصها
ما ادري وش قريت وش خليت صرت احس الصلاة هم على قلبي اعوذبالله …
يااخواتي انا ماكتبت اللي كتبته الا لاني عارفه ان دعوه المسلم لاخوه المسلم مستجابه
ابيكم تدعون لي من قلب ان الله يجعلني من المواضبين على الصلاة وان الله يغفر لي ذنوبي
ويتجاوز عني ويسرلي امري
ولاتحرموني من نصايحكم