عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الدمعه إللي جت مع التكبير
يازينها والله من دمعه
يارب سامحنا على التقصر
وأغفر لنا في يوم هـ الجمعه
يارب وأنت العفو والعبد مهما أخطا
رجاه في رحمتك أكبر من ذنوبه
الله يجعل لك من الضيق مخرج
ويبدل أحوالك من العسر لليسر
مهما يطول الهم لابدا تفرج
خل الامل بـ الله وهو يجبر الكسر
يارب إذا لي دعوه مستجابه
بوجز لو أن اللي أنا أبيه واجد
ابقى على نهج النبي والصحابه
وأموت بين يديك يارب ساجد
تطيح دمعه واسلم للفضا موقي
وأرفع يدين الذنوب وتظلم اعماقي
أشوف قبري يمر بـ وحشته فوقي
وتصير كل الحياه أضيق من أخلاقي
يانفس طالت ليالي غينا فوقي
كم قلت يـ الله وقلتي تونا باقي
يارب أنا عبدك على وعدك ما دامي أستطيع
ماض على حكمك ودل يا اللهي قضاك
ياكم دعاك انسان ضاق بـ عينه الكون الوسيع
وبـ رحمتك في ظرف رمشة عين تعطي من دعاك
أسألك لي ولوالديني وأمة محمد جميع
عفوك فـ إن لم تعفو عن عبدك فمن يعفو سواك
يامالك الملك ياذو العطف والمنه
عبدك بـ دونك ضعيف وحالته حاله
أسألك ياربي الغفران والجنه
في يوم ماينفع المؤمن سوى أعماله
دعوه من القلب هي أعز ما أملك
من قلب صادق في ظهر الغيب يدعي لك
وحيد من كل شي إلا من الضيقه
والعبد ماله سوى ربه يفرج له
صحيح مانيب من صفوة مخاليقه
لكن روحي من اللي يغضبه وجله
يارب يامجري الكواكب والرياح
لطفك علينا يالطيف ويـ رحيم
الريح قامت تخنق أنفاس الصباح
بدل عتيم الريح قطرات ونسيم
أفتح ضلوعك واجمع الخير والحب
اليوم جمعه والله الله بـ الاسباب
سامح ترى من سامح وقال : يارب
يفتح له الله في سما رحمته باب
الجو نعمه والمطر ماله أشباه
لاطاح يبهج عالم ويغسل النفوس
أرفع يدينك للسماء واشكر الله
اليوم هذ أفراح وأعياد وعروس
يارب ساعدنا على انفسنا
وألهمها تسلك درب تقواها
عجزنا نقوي أنفسنا بـ أنفسنا
أنت الذي يارب تقواها
اللهم يامن غيره لا يعبد
وساه لا يقصد
وقضاؤه لايرد
وصفته (أحد صمد)
أسألك لي ولمن أحب
دعوه لا ترد
ورزقاً لايعد
وباباً إلى الجنه لايسد
الخلق لو يغوي اشيطان واحدهم
نسوا مزاياه وأجتمعوا على عيوبه
واللي خلقهم وفرقهم وعددهم
مهما تكون الخطايا يقبل التوبه
أسألك بـ الله تالي يوم هـ الجمعه
أن كنت قصرت وإلا أخطيت سامحني
مرضاة ربي يايمه ثم مرضاتك
هذي علومي فديت دعاك وعلومك
ياجعل ربي يحقق لك كل دعواتك
إلا دعاتك جعل يومي قبل يومك
ضايق وعرف علاج صدري ليا ضاق
سورة تفرج هم وتزيد قدري
شيلو القصايد والدفاتر والاوراق
وهاتوا لي القرآن لاضاق صدري
في سجدتك يامن تبهذلت وياك
أدعي لي الله يعدل سواياي
اللي تعدى عمر ما أظن يخفاك
أدعي لي بس ألحق على عمري الجاي
منقول*
