عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
اتوقع مشكلتي اتفه مشكله
بس ياصبايا مقهوووووره حيل من زوجي
اولا بتكلم عن نفسي
عمري 18 حساسه جدا جدا عنيده
احب الدلع والشياكه واحب اقهر من حولي واحب المظاهر
هاذي حياتي وانا عند اهلي ومستمره معي عند زوجي
ونبذه مختصره عن زوجي
عمره 38ملتزم بس مو مطوع
بار بوالده يكفل ايتام من اقاربه
حنون طيب جدا يحب الجميع
قلبه زي البيبي وانا احسده على هالشي
قبل اسبوع كملنا سنه من يوم زواجنا والحمدالله عندنا بنت عمرها شهرين
قبل ماجيب البنت كان يراعي شعوري اذ تزاعلنا يجي دغري يراضيني
دايما اسمع كلام حب منه اذ مر يوم ماحضني اتجنن
والآلآن
نفس الشي ماتغير بس الاحظ عليه يزعل بسرعه وظروفه الان سيئه مفلس وديون وشغله
بس مايبين لي ولان كثرت الحفلات وابي فساتين وابي اسافر وابي ملابس علشان ازور اهله في ديره تانيه
صارلي سنه ماشفتهم
المشكله مو هنا
المشكله
امس سويت غدا وجلست شويه وقمت لاني كنت شبعانه واشوفه على طول قام قالي انا شبعان
استغربت بس ماقلت شي
اليوم سويت غدا برضه نفس الطريقه انا ماتغديت الاقي الصحن زي ماهو قالي انا شبعان
وبعد الغدا طلبت منه اتمشى قالي بزور واحد مريض ماخفي عليكم زعلت بس ماقلت شي بس مبين اني زعلت
وجا العشى وسويت عشى ولمن كنا قاعدين ساكت مانطق ولا حرف قلتله حكمو عليك بالسكوت
قالي وش تبغين اقول انا على طول قمت وغسلت يدي وهو بعد قام وراي ماتعشى ونزل تحت في الصاله
انا راجعت حسباتي ابدا ماسويت شي يزعل
قلت يابنت البسي وتكشخي وانزلي اعتذري اذا بدر منك شي
ونزلت عنده وبوسته قلت انت زعلان مني قال لا ماني زعلان قلت ليه ماتعشيت قالي لانك ماتعشيتي
وهو ماخذها عذر احيانا اسوي الاكل ومااكل معه يمسح الصحن مسح
قالي انا تعبان وبكره نبدا صفحه جديده
هو فهم من لبس اني ابغى منه حاجه علشان كدا قالي ان تعبان
وانامو مقصدي من البس الي في باله بس كنت ابي ارضيه
ونام تحت وانا فوق بالغرفه
حسيت انه جرحني اجي عنده اعتذر وانا عارفه اني ماسويت شي
يابنات دموعي اربعين على اربعين 
ماني عارفه ايش الي فالحكايه
ياصبايا بي منكم كلام بطريقتكم اخليه يحس انه جرحني وارسله ايميل
ادريشن كلامي فوق على بعض بس اعذروني هادا كله من القهر
