ياعالم وجهي قاهرني

السلام عليكم
كيفكم بنات
ابشكي لكم الحال من وجهي ❗
ياناس صاير يقهر مره مره باهت بدرجه ماتخيلونه مع انه الحمدلله بشرتي صافيه مافيها حبوب ولا شعر
بس نفس الوجه باهت مافيه نظاره ابدابد وزياده على كذا انه نحيف يعني هيكل عليه جلد
والمشكله اني مو نحيفه ولو انزل كيلو واحد من جسمي اول ماينحف هو 😐
قسم بالله يجيب المغثه ولا بعد زود اول كنت لاحطيت اساس يصير يلمع وجهي ويخفي العيوب والحين لا حطيت المكياج يبهت زود ويصير اقبح من اول
قلت يمكن البلاء من الاساس جربت اغلب الماركات هو نفسه ماتغير لدرجه بنات عمي قالوا لي لاتحطين اساس مو حلو عليك
وودي اخذ حبوب تسمنه بس اخاف يسمن الجسم كله وانا مانقص علي زود تدربي بعد
اوووف وربي جتن من كله جهه جسم سمين ووجه نحيف قمه الاحباط
وليته يوم صار نحيف عاد زين على الاقل هذا يرقع هذا نحيف وباهت ياربي كل الحمد على النعمه
😐 ,,, ياعمري انا كل ايقونات الصياح حطيته
بس والله بعذري ماشاء الله لاشفت بشرات البنات انقهر ولا كل ماله ويدحدر انا مادري وش السالفه
وطلبت من النت البودره اليابانيه بعد ماشفت المدح وطلع اخرطي والله ماشفت الا انهم انهبوا من 1000 ريال على غير سنع
لا بياض ولا صفاء ولاتورد شفايف وكل اللي قالوا ماشفت منه شي وخواتي يبي يقنعون يقولن سمنت وجهك اصلا انا سمنت بالعطله على رمضان يعني تدربيت ونطت قطعه شحمه لوجهي بس عاد راحت الاسبوع اللي راح ماطولت حاولت اقنعه تجلس بس مافيه امل خخخخخخخخ والله من القهر بديت اهلوس بكلامي
وانا رسومي كبيره يعني مايصلح انو يصير وجهي نحيف وربي انو خدودي تخيلو من نحفه يطلع خطوط بالخد
والخشه تنط مترين قدام لانه مافيه شي بالجوانب يرفده وتنلم ههههههههههه
وبعد مايأست قلت مالي الا الله ثم انتم تدبرونن بشي يعدل هالوجهه
وتشكراااااااااات مقدما حبيباتو