عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يسعد يومكم
عندي موضوع وحابه اقوله لكم لاني مابيكم تمرون بالموقف الي مريت فيه بعد الزواج
انا بفترة الملكه مدلعه زوجي لاخر شي ماني مخليه من الدلع والرومانسيه شي وهذا من حقه بتقولون وين الخطا
كنت اقوله لما نتزوج بسوي لك كذا وبنومك كذا ➡ :)وبدلعك كذا<<<من تزوجت مدري وش جاني
انربط لساني عن الكلام الحلو والدلع صرت كني ولد دفشه ماعرف اتكلم بشي حلو والدلع راح
وهو يقول انتي فلانه وربي منصدم فيك اثاري المكالمات ظلمتك وين الي تقول بسوي لك كذا وكذا
وين الرومانسيه<<<الرجال ماينسى شي
كنت ارسله رسايل رومانسيه جريئه كان يخق عندها وامس يقولي وين كلام رسايلك بتطبقينها بالواقع
ماشفت شي من كلامك
يابنات لاتعلقونهم بشي في الاخير انتي الي بتندمين
انا شوفوني توهقت مدري وش جاني عقب الزواج انلحس مخي معاد اعرف اتكلم بكلمتين عن مشاعري والرمانسيه الي ايام الملكه ضاعت وسوالفي معه كني اسولف مع اخوووووووووووي احس صايرين رسميين بزياده 😆 🙂
الموهم يابنات لاتعلقونهم باسلوبكم بنسوي لكم كذا اذا تزوجنا ياانك تكونين قد كلامك وتسوينه او ارحمي نفسك واسكتي
دعواتكم لي
