يافراشات عندي مشكله مسببه لي كآبه ومطلوب أرائكن

كيف حالكم يافراشات ان شاء الله تكونون بخير
بنات بأسألكم وكل وحده ياليت تكتب رأيها من وجهة نظرها لو فرضا تعرفتي على انسانه أكثر همها الناس وأغلب كلامها عن الناس راح يأثر هالشي في نفسيتك ونظرتك للبنات اللي هي تكلمت عنهم خصوصا ان انتي تعرفينهم ولا لا
وعشان يكون الموضوع واضح راح أقول لكم على اللي نكد حياتي وان شاء الله ماتكون غيبه لانكم ماتعرفونها
تعرفت على وحده ومن بداية معرفتي بها ماارتحت لاسلوبها ولامنطقها هي طيبه وخفيفة دم بس انتقاديه وتشمت بالناس واكثر كلامها صار وصار فلانه قالت علانه راحت تتصل علي وتقعد بالساعات وكله تسولف عن فلانه وفلانه في البدايه مشكله صارت لها مع وحده وافترضت سوء الظن وحقدت عليها واتصلت علي تعلمني بموقفها معها وقلت لها يمكن ماتقصد يمكن ويمكن قالت لا تقصد ومصره على رأيها ساندتها كصديقه وقلت اسأليها بس ماسالتها بالبدايه وشرشحتها وانتشرت سالفتها عند بنات كثير وبعد شهر تقريبا وشوي ارسلت لها ايميل تهزأها فيه فأرسلت لها الثانيه ترد عليها وتحلف لها ان حركتها غير مقصوده المهم ماسوت الشي هذا وصارحتها الا بعد مانتشرت السالفه وكبرت مره مره وتدخلوا فيها ناس ماله داعي يتدخلون او يعرفون أساسا وكل ماصار شي او موقف مع وحده من البنات اتصلت علي وقالت سوت وسوت وسوت مع ان مالها علاقه فيهم كل حركه تصير تتصل وتقول ايش اللي صار وتحلل وتفسر من راسها وكنت اتضايق من اتصالاتها واتنكد اذا شفت رقمها بس اضطر ارد واقول عيب تطنشين يعني كل خبايا البنات اللي ماكنت ادري عنها عرفتها عن طريقها وصرت انظر لهم نظره كره وانهم حقيرات وهي السبب طبعا قعدت على اعصابي واجامل 3 شهور قلت لها بالبدايه خلاص الله يكفينا شرهم مالنا علاقه فيهم لاتقولين لي عنهم شي انا حساسه وهالاشياء تأثر فيني لكن لاحياة لمن تنادي استمرت اتصالاتها وانا احيانا اشارك واحيانا المح لها ان هالشي المفروض ماصار ولاانتشر من البدايه بس كمان بدون فايده كل يومين ثلاثه تقول لي بقصه جديده لحد ماتشبعت من القصص وتاثرت نفسيتي واكتأبت ونظرتي للدنيا سوداويه وماعاد عندي اي ذرة ثقه باي انسان صرت قلقانه ومتوتره وماعاد صرت اعرف امزح ولااسولف غصب عني مو بكيفي وبعدين جت ساعة الصفر ووقت الانفجار ماتحملت ارسلت لها رساله بكل شي وانها غلطانه وغلطها كبير وانها شماته وانتقاديه ماخليت في خاطري شي الا قلته عشان مااحس اني منافقه ومشاركه معها في غيبة ناس مالي بهم علاقه لان هذا فعلا صار احساسي اني مجرمه واني انسانه بدون مبدأ لما استمريت أجاملها بس هي ماحترمت رغبتي وسكتت من البدايه لما طلبتها لا اهم شي تخرج اللي بخاطرها ولو الموضوع لي وحدي معليش باقول تشتكي لي ومرتاحه لي لكن بعد ماتقفل مني تدق على فلانه وفلانه وتقولهم نفس الكلام هذي صدمة حياتي واللي خلتني انقهر من جوا قلبي طبعا ايش كان ردها ان انا ماعندي ثقه بنفسي وانه غلطتها لما اعتبرتني اخت وانو لاانصح وانا اغتاب ويشهد الله انها السبب في كل اتصال تسحب الكلام سحب انا مو ملاك انا اذكر الناس من منا مايذكرهم الله يسامحنا كلنا ويغفر لنا ولمن ذكرنا بظهر الغيب بس مو مثلها هي احرقت الدنيا الله يسامحها وفيه تفاصيل كثيره بس لو اكتب من هنا لبكره مااخلص المهم قلت لها خلاص صداقتنا انتهت وممكن نرجع مثل اول بس لو تغيرتي وماقلت لاي انسان يعرفها او مايعرفها عنها عشان مااشوه سمعتها عكسها هي اكتشفت انهاعلمت برسايلي والله اعلم ايش قالت مايهمني ماقلت الا اللي يريح ضميري
طيب بعد القصه الطويله هذي تصرفي صح ولو كنتوا مكاني كيف تتعاملون مع الوضع وهل لي حق اتأثر ولا ماراح تتأثرون بهالسوالف ولاتهز شعره من رووسكم او تغير نظرتكم للناس لانها من جد حسستني اني مريضه نفسيا واني غلطانه يوم تأثرت وحقدت على البنات اللي خربت هي سمعتهم الموضوع هذا مره مأثر فيني وغير نظرتي لكل شي حولي مع ان السالفه لها 3 اسابيع تقريبا لكن لازالت مضايقتني وحارمتني النوم احيانا اقول ان انا تسرعت واحيانا اقول لا كذا احسن لاني تعبت من كثر القصص عن الناس علما ان وحده من البنات صاحبتها مره ومبسوطه معاها ولاتأثرت ولاهز الشي هذا شعره في راسها فهذا اللي خلاني اشك بنفسي
تكفون يابنات كل وحده تقول رأيها بدون ماتقتبس رأي أي وحده أبغى أراءكم تكون نابعه من أنفسكم