عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح ومساء الخير لكل الفراشات
مدري وش اقول او كيف ابدا ربي رزقني بعد خمس سنوات بنوته ربي يحفظها لي ولايحرمني منها يابنات على قد مافرحت فيها على قد ماانا تعبانه معاها مشكله بنتي بدات من نهايه الشهر الثالث بحبوب بسيطه في جسمها ورحت للدكتور قال لي ماتخافين هذا بروتين يطلع من الجسم وطفح ومن هالكلام مع مرور الايام زادت الحبوب وتحولت لحساسيه والان حكه مدمره بجسمها عمرها الان خمس شهور تحززززن جسمها كله احمر ومقطع تتخيلون يابنات اول مااشيل ملابسها تهرش هرش بجسمها تحزني والله فيني الصيحه الان توها نامت بسم الله عليها بعد نوبه بكاء متواصل من قوه الحراره والحكه بجسمها طبعا رحت للدكتوره قالت اكزيما وصرفت لي كريم فنسيل ودواء شراب وغيرت حليبها ولكن مثل ماهي ماتغير شي انا احظط لها فازلين احس انه شوي يبرد عليها بس يابنات يتقطع قلبي لمن تصيح تبكي بكا جسمها مو زي الاطفال والله كأنه حراشيف يابس وخشونه ومتقطع والدم يصب صب من جسمها قولولي يابنات وش اسوي والله تعبت حتى عند الناس تنهار من البكا واضطر ارجع بيتي اتعب كثير معاها حتى ماصرت اطلع عشانها صاروا الناس يرحموني من كثر ماتبكي صاروا يقولون فلانه جتها البنت واشغلتها وانا ماابي احد يقول عني كذا يحسسوني اني مو قد المسؤليه يارب فرج كربتي واشفي بنتي وعافاها يارب ياكريم الله يسعدكم يابنات اللي مرت بمولود او مولوده لها بنفس الحاله تسعفني بأي حل بأي علاج ؟؟؟
اخر ماولني الان يقولون فيه شيخ اسمه سلامه الجهني بالمدينه يعالج الاكزيما مدري صدق والا لا بالله اللي عندها معلومه لاتبخل على قلب ام متقطع على بنتها
