عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
كيفكم يافراشات
بصراحه انا ما احب اتكلم عن اي شي فيني بس لما شفت تعاونكم وروحكم الطيبه قلت ابي اتكلم لكم واحكي لكم وانتوا خواتي..
انا آنسه وعمري 24وقاعده بالبيت
الحمدلله شكلي زين وكل من شافني مدحني
مشكلتي اني حساسه كثير ,. والي زاد الحساسيه فيني اكثر اني ماتزوجت لحد الحين..الله يسامحك يابوي
كل بنات عمومتي تزوجو حتى اللي قدي واصغر مني تزوجوا واخر وحده تملكت عمرها 17 سنه
انا انقطعت عن الكل وانطويت بعالمي اشوفهم بالجمعات بالمناسبات ما احرص اشوفهم دايم لاني مابي احديجرحني بكلمه او يقول ليه فلانه ماتزوجت للحين
انا مؤمنه ان نصيبي ما جا بس نظرات الناس وكلامهم مايرحم
يكفيني لاجيت اسلم عليهم يناظروني نظره مالها داعي ويقولون لي عقبالك بطرف خشومهم والا زوجه عمي هي و بناتها كل ماشفاتني انا والا احد يقرب لي ليه ماتزوجت فلانه؟؟؟ اهم شي زوجتي بناتك
هالشي اثر فيني وخلا فيني عدوانيه منهم وصرت ما احب احتك فيهم ..
وضعي جدا متعب نفسيتي , نفسيتي مره تعبانه من هالموضوع , انا جيت اشكي لكم بعد الله وابي مشورتكم
انا صرت 24 ساعه بغرفتي نفسيتي تعبانه من التفكيربموضوع
انا تقدم لي شخص قبل اسبوعين والولد مافيه شي بالعكس اهله ناس طيبين ومتواضعين واخلاق
الموهيم ابوه كلم ابوي
تتوقعون ابوي كيف استقبل اتصاله؟؟
وربي استقبله بكل كبرياء وشوفه نفس كانهم يشحتونه مو يخطبون بنته
عيب ابوي يابنات انه انسان متكبر ومو شايف جنبه احد
حتى احنا اولاده تخيلووو لاراح عزيمه يتنقى الحلوين من عياله عشان يحضرون استغفر الله بس
الموهيم مالكم بالطويله
اتصلت ابو الولد على ابوي وعرفه بنفسه بس ماجاب طاري للخطبه تعرفون عيب يخطب بالجوال
قال لابوي ابي اقابلك ابيك بموضوع خاص وابيك تشوف وقت مناسب تعطينا موعد قال انا مشغول وش تبون حاول ابو الولد انه مايقول لابوي بس ابوي اصر قام قال له نبي قربك
تتوقعون وش قاله؟؟
قال انا مسافر جده عند الامير…. مالها داعي يابوي الله يهديك
قالو ان شاء الله توصل بالسلامه واخذو واعطو مع بعض بالكلام
الموهيم دق علي ابوي
قالي خطبوك ناس وانا ماني مرتاح لهم قلت وش الاسباب؟؟قال لانهم فقراء وعندهم 2 بنات معاقات
قلت استغفر ربك لايسلب نعمته من بين يديك ويبليك بمعاق ترانا كلنا فقراء والغني الله
قمت قفلت منه وبكيت انقهرت
استخرت الله 3 مرات وربي يابنات احس براحه مو طبيعيه من ناحيه هالولد
ابيه
ابيه
بس ابوي ماله حق يقول هالكلام
كلمت امه امي وقالت ابوكم شكله مايبينا قالت امي الله يكتب اللي فيه الخير
كلمتني اخته وسالتني انتي موافقه على اخوي قلت ايه بس الشور لابوي حنا حريم
قالت يقول اخوي دامك موافقه ماراح يخليك وراح يضل ورا ابوك لين يوافق
ابوي مطنشهم مارد لهم جواب لابرفض ولاباجابه
كلمت اخوي اللي اصغر مني وكلمه بموضوعي
تدرون وش قال؟؟
قال غلطان اللي يزوج بناته
اربي واتعب واتعلق ببنتي وفي النهايه يجي ولد الناس ياخذها مني
انا ماني متخيل اقطع اصبع من اصابعي واعطيها احد
وبعدين لاراحت فلانه من يحس فيني من يهتم فيني هي عارفه كل اسراري وبعدين توها صغيره
هنا حسيت اني بموووت من العبره
ابوي ماسكني بس سكرتيره ماهمه اكون سعيده والا لا؟؟
حرام عليه والله حرام كثيييييييييير يتقدمون لي ويرفضهم
مره يقول هذا نسب جدته اللي ماتت مو زين حتى الميت ماسلم منك يابوي
ومره يقول هذا اسم عائلتهم يفشل بالكرت حق الزواج..استغفر الله
ومره هذا اسمر ..يعني اشياء ظاهريه وترك الاهم الدين والاخلاق
الحين هذا اللي تقدم لي مو فقير راتبه 4500 ريال وموظف بشركه الاتصالات
ومواظب على صلاته ,,وكلن يمدحه حتى اللي بالعمل
حتى الاعاقه اللي عند خواته مو وراثيه لاااا ولدو بالسابع
الله يشفيهم يارب
بس اهله على قد حالهم يعني الامير سلمان معطيهم بيت
طيب وين المشكله يابوي؟؟
استخير رد لهم برفض والا بجواب لاتعلقهم بمعنى انك تشوف نفسك عليهم
احس بملل في حياتي .. ودي استقر في بيت لحالي يصير لي كياني وشخصيتي
واداري شخص واهتم فيه .. انا مابي الحراموربي ابي الحلال ..
وامي مالها شخصيه عند ابوي
طفشششششششششششتمن وضعي ومن كل شي حولي
ساعات اتمنى اموت من الشعور الي احسه وساعات اقول يابنت هونيها وتهون وعادي
ارجوووكم شورو علي ابي كلااااااااااااااااااااااام يوصل للصميم اقوله لابوي تكفووون
ابيك كلام مقنع ابي اخليه يحس ان بنته كبرت وتعرف مصلحتها ارجوووكم
انا مدري وش اقول ولا ادري وش اسوي لان العبره خانقتني ومافيني اكتب اكثر من كذا ,.
ويارب يعطيها ماتتمنى اللي ترد علي
