عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يا أخواتي الغاليات
😀
أكيد من حبكم لأطفالكم و أخواتكم و أخوانكم الصغار تحبون تطلعون فيهم
و هناك يا سلام فله و قهاوي و شهاوي خ خ خ
و الحلى و الفطاير و يمكن تطولون و تطلبون عشاء من المطعم أو تكونوا جايبين معكم بحافظات لمممممممم
و سواليف و مواضيع و تمشي و……و………..
و
و
و
و
الأطفال وين راحوا
أكيد يلعبون
شفتيهم<<<<<
لا بس أكيد يلعبون
يا أختي الأم ياللي من حبك طلعتي بالحبايب <<< قصيدة طلعت شاعرة الاخت
ساحة لعب الأطفال حالتها حالة
أشي أطفال كبار و جفاسة و كلام ما يرضيك يتعلمونه أطفالك
و هذا غير الشباب أبو 15 و 18 اللي يدورون شوي و يلعبون شوي
الله يصلحهم و يهديهم
لكن ما تخافين على بناتك و أولادك منهم
و الله خطر جدا خطر
و غير البياعين
فيه أمهات قمة في الثقة ترسل أطفالها يشترون منهم <<< طيب ما تخافي يدخل واحد منهم و يسكر عليه
و كله كوم و الأم اللي ترسل أطفالها دورة المياة أعزكم الله لوحدهم
يا أختي حرام عليك ما تخافي يكون فيه حد متخبي و كثيررررررررررررر حصلت حتى بدورات مياه الأسواق
تقولي متوكلة على الله
يا حبيبتي هذا تواكل
تقولي أبغاهم يكونوا واثاقين في أنفسهم
طيب راقبي
اللي يفقع القلب الهانم جالسة سواليف و تقهوي و تمشي و تفرج و تسوق و فلذات كبدها هائمة في الأرض
ليه يعني
هذا كله توكل
يا أختي وين الرعاية
و ين الأمانة على أرواح و نفسيات هالأطفال المساكين اللي لو يحصل لهم مكروه راح تكوني المسئول الأول
أو ثقة بهذا الزمن اللي صبح و نهار و ليل فضائيات شغالة دعارة فيه
يا حبيبتي الأم أو أي وحدة طقت صدرها بتطلع الأطفال تونسهم و تلعبهم خافي الله فيهم و أنتبهي لهم
تناوبوا عليهم
لا تقولي الشغالة تنتبه
أولا هي انسانة ممكن تلهى أو ما تقدر تسيطر على الأطفال
ثانيا أكلف ما عليها تسفروها لو يحصل مكروه للطفل
و كل هذا كوم و اللي عندها زيارة أو زواج و موديه الأطفال الحديقة مع الشغالة أو مع السواق
بكل اختصار أقولها اتقي الله فيهم
و الله قصص تشيب الراس عن هالمساكين
اللي يغتصبها السواق في السيارة
و اللي يغويها السواق بالشوكولاته بعد ما سمع إن أهلها حارمينها منها
و الأولاد بعد خطر عليهم
الله يخليكم خواتي أتقوا الله في الأطفال اللي رزقكم الله فيهم
و روحي مرة لمنتزه و راقبي أطفالك من بعيد و الله تتروعين و أنتي تشوفي الدفاشة أو تحرشات الأولاد الكبار
صدقوني مصدومة اليوم راجعة من عزيمة في منتزه عام و قليل ما أروح لزي هاذي منتزهات شيء يفجع هناك قلق
و علمي الأطفال يقروا المعوذات و آية الكرسي و راقبي
و أعقلها و أتكل و الله الحافظ لكن دورك سويه
و الله المستعان
بعد ما تقرين موضوعي حاولي تكتبين حلول لحل هذه المشكلة و أفكار لكل أم غافلة منها تنبسط و منها تنتبه لأطفالها
منقول,,,,,,,,,,
استغفر الله واتوب اليه
