عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاتهإنا بكتبلكم موضوع ماتخيلت ابد ان بيجي يوم وكتبه بس شنسوي غصب عني كتبته
إنا انسانه من يوم عشت على الدنياء ونا متعلقه بشي اسمه تمريض أي احد يسألني وش تبين تصرين لما تكبرين على طول ممرضه يقلون ليش اقول عشان اساعد الناس سبحان الله حتى ونا في المدرسه لما وحده من البنات ماتجيب فطورها اقوم اعطيها فطوي الحمد الله ان الصفه ذي فيني طبعا ذي مقدمه بسيطه عني
المهم كبرت وكبر حلمي معي خلصت الابتدائي
دخلت المتوسط ومرض الوالد الله يطول في عمره بالفشل الكلوى وفصلوه من الوظيفه عشان ايش عشانه مريض؟؟؟؟
طبعنا خصمو راتب الوالد صار 2الفين وشوي
واكيد زادت الحياه تعقيد بالالفين حقتهم
وحالتنا كل مالها تصعب
المهم إنا تعلقت بالتمريض أكثر لسببين عشان اساعد العالم وعشان اساعد أهلي لان معروف رواتبهم زينه تسد الحاجة وغلبها دبلومات يعني سنتين وكل البيت خلاص حاطن أملهم بالله ثم فيه والحمد الله خلصت ثانوي قدمت على التمريض طبعا إنا من الرياض والحمد الله انقلبت ماتتخيلون كيف فرحتنا يوم عرفنا اني مقبوله المهم داومت اول يوم وعرفت ان مافيه مكافئه وضاق خلقي لان ظروفنا صعبه يادوب
وكان المكان بعيد مره عن بيتنا مشوار ساعه
دورت نقل ارخص شي ينقلوني 6ميه
المهم قدرنا النصف الاول ندبر فلوس النقل كان ابوي يقعد من اول يوم بشهر يجمع فلوس النقل
لين اخر يوم يادوب يجمعها وحالتنا صعبت زادت مصاريفنا ومصاريف اخواني وغلا المعيشه والفين ايش تسوي كان السواق دايم يهاوشني اذا نقصنا عليه الراتب ويقعد اسبوع مايجي وكمان المركز حقي كل يوم هواش ليه التغيب ليه ليه ترى نفصلك ماعندك رصيد
كرهوني في عيشتي المهم جاء النصف الثاني
قال السواق خلاص معاد اوديك إنا خلاص تعقت مدري وش اسوي احس اني حملت ابوي فوق طاقته ابوي صار دايم يفكر فينا ومهموم
وكيف يبي بعيشنا بالفين المهم تركت المركز
طبعا البيت كلهم انصدمو اخواني اللي يبي بلايستيشن واللي تبي جوال ولي ولي يستنوني بس اتوظف وبوي يقطع القلب صار مهموم بس يفكر الحاله وحس وده يقولي يابنتي سامحيني ماقدرت احققلك حلمك
والحين إنا قاعده في البيت متحطمه ومنهاره ودي اسعد ابوي وريحه من مشاق الحياه خلاص ابوي متى يرتاح خلاص جاه ماكفاه
وربي مو مصدقه حلمي خلاص ضاع
احس لو بقعد على هالحال أكثر راح انهبل
والحين مابقالي غير الله ثم انتم
مابي منكم الا وظيفه اللي تقدر توظفني
اللي عندها واسطه اللي هم ناس كبار اللي الله منعم عليهم اللي تشتغل في بنك
واللي ماعندها تكلم عمانها خوالها جيراها وربي حالتي صعبه
وربي الوظيفه بتكون فرح لي ولهلي قبلي
تكفون طالبتكم لاتبخلون علي ياليت اشوف احد منكم يبشرني ويفرج كربتي ويفرج الله عليه كرب من كرب القيامه
واللي مافي يدها شي لاتنسانى من الدعاء
واسفه على الاطاله
طبعا إنا من الرياض
اللهم فرج همي وهموم المسلمين
