ياليت تدخلي وتردي

صبحكم بالخير يالعمال العماليه
صباح الخير يابنات 😐
اليوم حابه اطرح عليكم مشكلتي او مو مشكله استشاره 😛
انا زوجي مسنتر بالبيت خمس وعشرين ساعه مايطلع يمكن بعض البنات بتقول ياحظها بس الشي اذا زاد عن حده انقلب ضده كل شوي هواش يقولي انتي روتينيه ماصرتي زي اول يرحم امك وين اصير متجدده وانت عندي كل شوي يعني الصلاة تفرجلي شوي ويغيب بس طول الوقت ينتقد ليش هذا كذا وليش المويه شغاله وانتي مالقيتي تكنسين الا وانا فيه ومالقيتي تمسحين وتنظفين الا وانا نايم طيب وش اسوي لو بحتري حضرتك تطلع ماسويت شي ابد واذا طلع يصير يطووول وانا اصير خلالالاص زهقانه من البيت مااصدق يطلع اقوله ودني عند اهلي يقول اني ماتقعدين تراك حرمه مو كل ما البس شماغي لبستي عباتك يرحم امك نقعد خمس ايام مانطلع متى البس عباتي اذا سافر لحاله بدوني مع اخوياه ورجع ياسلام نشتاق لبعض يصير فيه تجديد وتغيير حتى خواتي يقولون لي وشلون تخلينه يسافر مع اخوياه ولايسافر معك 👿 بس انا عادي يسافر لأنه مره يتغير بعد السفر وتزين نفسيته حتى انا
الحين وش رايكم وشلون اقوله يطلع من البيت اخاف يقول انتي ماتبني زوجي حسسسسسسساس وعصبي وعلى طووول المزاج يتعكر ودايم الظن السيئ مقدم على حسن الظن
للمعلزميه زوجي من قبل الزواج بيتوتي لاعب بحسبة اهله وعجاااااااز
لاتردوني يالغوالي والله يحرم وجه كل وحده عن النار اللي ترد علي