عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
ماأدري شلون ابدأ
تكفون اقرو موضوعي وردو
انا خاني زوجي بطريقه بشعه بشعه
اولا بقول لكم أخلاق زوجي ومحد راح يصدق ان هالأنسان يقدر بيوم يخون لو اني ابشع الحريم ماراح يسويها
زوجي انسان ملتزم يخاف الله كل صلواته بالمسجد حتى وإذا ماتصدقون عمره مافوت صلاة الجمعه وقراءة سورة الكهف غير مره لأنهم نسو ياخذونه معهم ابوه وأخوانه
يزعل مني إذا اخرت صلاتي وكل يوم يذكرني
انا صار على زواجي سنه
ايام الملكه بكل صلاه كان يصحيني
أخوانه متابعهم عشان ماينحرفون
دايما يقولي عن سوالف الشباب هاليومين وانه يحمد ربه ماهمته ذي الأشيا ويذكرني بعقاب ربه
والله والله مافي زيه انسان بعد وسيم ومن عايله
تزوجني عن حب ماقولكم كنت اعرفه قبل لأ
بس من سنين خاطبني لأنه شافني وانا صغيره وكان ببداية مراهقته وأعجب فيني وكان متمسك فيني من زمان كان يقولي كنت احبك ومحد يدري عني غير أخته بعد فتره قال لها وبعدها امه
وهذا الشي بعد كان يبعده عن الحرام
يوم وافقت عليه ماصدق من الفرحه ومن هنا بدت قصة حبنا
والله والله حبيته اكثر من نفسي وهو بعد حبني
بس في نقطه من يوم وافقت عليه وصارت تجيه رسايل اني مغصوبه عليه ومابيه بعدين تبين له انه غلط
تطورت الرسايل بعد الملكه اني كنت اكلم شباب والعياذ بالله بس كله بدون أدله ويقولون له وش تبي فيها ويسبونه بعد بس ماكانت تهمنا هالرسايل لأنها من عذال وحاسدين
لأن كثير خطبوني وماوافقت عليهم ويرجعون بعضهم يخطبون اكثر من مره وانا ماكنت اصلا افكر بالزواج
كانو يقولو يابختك بتتزوجين انسان يحبك ضل سنين ينتظرك
المهم الحين كرهته كره مابعده كره قبل عمره ماسوا خرابيط الحين اكتشفت انه مسوي ايميل وضايف فيه كله بنات ولقيت محادثه يطلب من وحده توريه عورتها ويشحن لها جوالها
ياناااس ياعالم ماني مصدقه انا اللي اقرا بهالقسم خيانات الأزواج وأقول الحمدلله زوجي مايسويها
كيف يخون وحده يحبها وتحبه
وحده مهتمه فيه ومهتمه بنفسها وببيتها وبطبخها وتحاول تسعده بأي طريقه لو بس يجي يلاقيني لابسه ومنتظرته وبيتي مبخر وريحته حلوه
كيف قولولي كيف في احد صاحي يسويها
قبل يومين صار هالحكي تخيلو ماصدقت يروح التراويح عشان يتأخر ورحت لبست قلت بفاجئه واحط شموع بالصاله وسويت مشروب بارد وقلت بفتح الكمبيوتر وليتني مافتحته
واجهته واعترف وقالي سويته قبل كم شهر وقالي مدري ايش فيني احس كل يوم ندمان وكل يوم اقول بمسحه بس الاحظ اني كل يوم ابي اضيف بنات اكثر
تخيلو يخوني بهالبشاعه وبرمضان وبالنهار بعد
ومره قبل فتره طويله اذكر سالفه ماهي مستاهله عصب علي وقالي كلام يجرح
بس بعد ماهدا كانه خايف وقلي خليك عندي انا خايف وبعدين اعترف انه مرتين صارت معاه حس انه مايطيقني ويبي يطلع من البيت واتفقنا نروح عند شيخ
مع العلم انه بيتوتي ولايحب يطلع مع شباب ولايسهر عمره ماسواها
يقولي اكثر جلساتهم حش بالناس فلان سوا وفلان قال
وماعمره سافر بدوني
قولولي شسوي ورب الكون ماأقدر اطالع بوجهه ولا بعيونه احس الخيانه فيها
ماخليت ولا كلمه واطيه إلا قلتها بحقه من الصدمه
وطالبه اروح عند اهلي وحلفت لو رحت اقفل جوالي ولا اوريه وجهي ابد
وإذا فكرت ارجع بس بعد ماأبهذله لأني ماني رخيصه لهالدرجه ارجع بشروط
وشروط صعبه لأني اصلا قلت مابيك وابي اتطلق
بس عشان ولدي وش ذنبه
وربي ماأقدر اقعد معه اشلون احط راسي بنفس مخدته شلون يرجع الحب و ترجع الثقه بينا ونعيش مثل الناس شلون فهموني
قال لي هذي عين صابتنا
نبي نروح ناخذ عمره وأوعدك بكل شي تبينه بالحرم ونروح عند شيخ
لكن انا رفضت وقلت مانروح الحرم وتوعدني إلا إذا وافقت أرجع بيتك
بنات ياللي فاهمات وش نصيحتكم لي وش اسوي مع العلم ماأقدر اعيش معه كرهته وكل يوم ادعي يموت
لو انتم مكاني وش تسوون بأمانه
تتوقعون هذي جد عين حسد ويكون اللي سواه غصبن عنه ترا اصبر نفسي بهالكلام واحاول ماافكر بالموضوع عشان ماجن
لاني لو فكرت اكرهه اكثر واكسر اللي قدامي وأعصب على ولدي لأنه يشبهه
واحس اني كرهته ياويلي مدري وش اسوي
وش ذنب ولدي لكن من الصدمه
غصب عني
