عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ادري ان الشكوى لغير الله مذله
لكن يمدحون الفضفضة وانا ما
أكلم احد في مشاكلي مع زوجي
ولا اذكره عند احد الحمدلله الا بخير وانتوا اول من سأفضفض له
عسى الله ينفع بكم ويلهمني الصواب
يا اخوات انا اعاني من ارهااااق وتعب سببه مشاكلي مع زوجي
اللي اسبابها تافهه جدا زوجي انسان رائع جدا وقت
الرضا وانا احبه واموت فيه وما اقدر اتخيل حياتي بدونه
لكن مشكلته تكمن في كونه يزعل ويبالغ في زعله لاجل امور لاتستحق
يا اخواتي زوجي الحين زعلان مني لأني ماقلت له جيب زيت الا بعد ما خلص نهائيا
وهو يقول لي قوليلي اذا بقى من الغرض شوي !
اعرف اني غلطت لأني نسيت اقوله لكن هل تستحق السالفه انه
يزعل مني كم يوم ويقول لي انه ماعاد له قدر عندي مع اعتذرت منه مرراً ولم يقبل
اعتذرت له قلت ان شاءالله مااكرر هالغلطة واعتبر هذي المره الأخيرة
واذا كررتها ماراح الومك اذا زعلت مني ولا عطاني وجه صدني ويا اعتذراي
ناداني في يوم ولا دريت انه يناديني حسبته يكلم بنتي
وعصب وزعل زيادة حلفت له اني مادريت انه يقصدني بالنداء
وقعدت اعتذر ومسكت يده قال وخري عني
ياناااااااااااااااااس وش اقدر اسوي اكثر من الاعتذار
اموت عشان يرضى ؟ انا والله م احرص على رضى انسان في الدنيا قد ما احرص عليه
ومره نسيت مفرش بنتي اللي اروشها عليه في المغسلة في الحمام الله يعزكم
وقال انتي ماتهتمين فيني قلت له والله نسيت مع العلم اني مبتلاه
بالنسيان وهذي نعمة الحمدلله محنة في طيها منحه
لأني لو ما انسى كان مانسيت اغلاط الناس علي وعشت في جحيم وانا من طبعي مسالمة
رجعت مره ثانية اعتذر منه قال انتي مهلمتني ملابسي انا اللي اغسلها
والعشا انا اللي اجيبه لنفسي وانا والله اللي دايم اغسل له ملابسه
بس انسى بعض المرات القلائل وهو يشيل ملابسه ويحطها في الغسالة وهي اتوماتيك يعني بس يرمي الملابس
فيها وانا اطلعها انشرها بعد ماتخلص
قلت ترى عادي لو انت شلت ملابسك وحطيتها في الغسالة ماتحتاج شي وعصب علي وزعل زيادة
والعشا والله كل يوم احاول اصلح له اللي يرضيه ويوم واحد
ما اعجبه العشا لأني مسخنته قام للثلاجة وجاب له جبنه وخبز وسوا لنفسه ساندوتش
هو ما قال لي مابي هالعشا ولا كان سويت له ثاني
قام على السكته للمطبخ وصلح لنفسه
ويقول لي انتي ماتهتمين فيني يومين تحطين لي العشا جبنة مع اني
والله مسويه له في اليوم الاول شوربة خضار وبالاضافة لها حطيت نواشف من ضمن النواشف جبنة
واليوم الثاني بيض مع النواشف
و انا مو دايم احط له نواشف نادرا اغلب الاحيان اسوي له عشى متعوب عليه
وعشان هاليومين نسى ما مضى
انا وش اسوي؟؟؟؟؟؟؟؟؟؟؟؟؟؟؟؟؟؟؟؟؟؟؟
ضاق صدري احس جهودي ولا شي في نظره سبب لي إحباط
اذا زعل ينسى كل شي وليته يقبل الإعتذار
كررت اعتذاري له اجيه والقي بنفسي في حضنه واقول اسفه ولايحرك فيه ساكن
قلت ماتبي الإصلاح ؟
مانتي نتصالح ؟
الى متى؟
تبيني اروح لاهلي؟
قال تبين تقعدين اقعدي واذا تبين تروحين لاهلك ماراح يتضايقون منك
نسيت اقول لكم اني يوم جيت اعتذر منه المره الثانية قلت له ترى انا حامل
لازم تقدر ان كثرة الشغل ترهقني قال اذا مو قادرة على الشغل روحي عند اهلك !
مع اني اشتغل قد ما اقدر وما اقصر
ياآلله
دايم يقول لي روحي لاهلك
وانا ما احب اروح لاهلي لاني احتاس وقت النوم وامرض هذي النقطة اللي ماعرفت لها تفسير
والله دايم امرض اذا رحت لاهلي يارب لطفك ياااارب
وغيرها
مره قلت انا تعبانه بروح لاهلي قال اقعدي عندهم للأبد اصرف
ومرااات كثيرة والله يجرح قلبي بكلامه ولا يعتذر مهما قال لي و انا متمسكه فيه واحبه
واغليه واقدره وما احب امسه باذى وهو بكل سهولة يقول روحي لاهلك
مادري ليش احيانا يجيني شعور
انه يتمنى اني اروح لاهلي خاصة اذا تذكرت يوم خلصت
الاربعين وقلت تعال خذني مارد علي ارسلت له ثانية قلت
مافرحت برجعتي لك رد علي قال : لا مافرحت !
بدون اي سبب سويته !
كأنه كان يبيني ازعل واقعد زيادة عند اهلي بس انا تعوذت من ابليس قلت اكيد كتبها بالغلط
ومره سألته قلت ليش متمسك فيني دام تعاملني هذي المعامله قال عشان اهلك ولا اعتذر عن كلمته بعد
ماتصالحنا !وانا قلت اكيد قالها في لحظة غضب !
وش رايكم ارشدوني اذا انا مخطئة في شي يمكن اتدراكه
وهل زوجي على حق في تعامله معي وقسوته علي اذا ماجئت اليه معتذرة ؟
انتظركم
