يا بنات ضايق صدري على ولدي

السلام عليكم
اخيرا قررت اني اكتب عن مشكلتي واللي هي عن علاقتي بيني وبين ولدي وبقول لكم من البداية
ولدي عمره 5 سنوات
وعمري 24 يعني ولدته وعمري 19 سنة تقريبا
احسه بعيد عني مرة ومااحس بأي شعور تجاهه
ولدت فيه وانا كنت ادرس وكان دوامي طويل وطول الوقت وهو عند امي متعلق فيها كثير
وفي هالسنين يابنات كل سنة احس اني ابعد عنه اكثر واحس اني اكرهه ومااطيق اتكلم معاه او اسولف وكل ماحاول يتكلم اسكته
هو الله يهديه مرررررة حركي ويحب الفوضى والتخريب وانا عصبية وطول الوقت اصارخ عليه وكل كلامه وتصرفاته ماتعجبني
اخته اصغر منه ب 3 سنوات وشوية اتكلم معاها واضحك والعب وبمجرد انه يتكلم اطالع فيه وانا مكشرة والله يابنات مو كيفي احاول واحاول وكل مرة افشل حتى ابوه صار مثلي ضرب وصراخ فيه طول الوقت مع انه اثنينا دوامنا طويل الى العصر ومن نرجع نطلع الحرة فيه هالمسكين
تعبت وضاق صدري واخاف تطلع شخصيته ضعيفة ومهزوزة
كل ماقلت بتقرب منه وبسولف معاه وبلعب معاه يوم بس وبعدين ارجع مثل ماكنت
عطوني حل الله يخلليكم مرررررررة متضايقة والدمعة في عيوني لان اليوم ماوقفت وانا اضربه واصارخ بوجهه