يا ترى الارض فى زماننا بتتكلم انجلش؟؟

صراحة شغل فكرى السؤال ده لم قرأت الرأى التالى و حبيت اعرف انتو مع التعريب و لا…
😛
الإسبوع الماضي .. سكرتير القسم عندنا جاب لي خطاب دخول مناقصة فقرأت فيه الآتي ” مناقصة توريد أجهزة حاسب آلي وخوادم ونظام مكننة الملفات “

فقولت له خوادم نعرفوها … يعني Servers لكن مكننه دي لا مؤخذه يعني إيه ؟ هل هي حاجة كده زي العكننة ؟

فقال لي والله هي جاية كده في الخطاب الموجه لنا من الوزارة ..

قولت يمكن يقصدوا الأركايفينج مثلاً …

ففعلاً نحن نهرب من خيبتنا الثقيلة لخيبة أكبر وأثقل وهي محاولة تعريب المصطلحات العلمية المتعارف عليها عالمياً إلى مصطلحات مستوحشة وغريبة ..

زي من كام يوم كنت أشاهد برنامج ” الوعد الحق ” للعالم الجليل الدكتور عمر عبد الكافي .. وإذ بي أقرأ في أسفل الشاشة الجملة التالية ” رقم البارق ………. “

لا حول ولا قوة إلا بالله .. بالشبه كده أنا قولت هي تعريب لكلمة ” فاكس “

لكن ليه .. وعلشان إيه ؟