يا حلوين أبغى أفكار لهدية تخرج صاحبتي من الجامعة .. ربي يسعدكم أدخلوا

مساء الخير للجميع

يا حلوين صاحبتي الصّحــوبة اللي مررررة أحوووبها بتتخرج من الجامعة الترم هدا

وناوين احنا البنات نسوي لها حفلة مُبسطة في الجامعة يوم الأربعاء ( يعني بعد 5 أيام )

وأحلى شي إنو الحفلة حتكون لتخرجها من الجامعه وكمان عيد ميلادها >> كملت ماشاء الله 23 سنة ربي يحفظها

أبغى أفكار لهدايا حلوة ( غير الهدايا التقليدية ساعه – علبة مكياج – طقم عطور …)

..

بتقولوا شوفي هيّا ايش تحبّ وأهديها إياه

هي تحب جوال بلاك بيري التورش وجبته لها قبل 4 شهور تقريبا

ودحين ماعندها شي معين تحبّو

ماني عارفة ايش أجيب

أعطوني أفكار بليز >> يعني واحنا في الجامعه ايش نسوي لها من حركة وكدا

طبعا بنجيب معانا فرشة ونقعد في الساحه الخارجية وأكيد بنجيب تورتة وشموع وحلى وكلّووو

فكّرت أجيب تيشيرت أبيض وأخلي البنات يكتبوا لها عليه عبارات تهنئة بعيد الميلاد وبالتخرج

ماني عارفة ايش اعمل

في أقلام خاصة بالكتابة على التيشيرتات يا بنات ؟؟

تكفون اللي تعرف لا تبخل عليّا

ولا تنسوا تقولوا لي ع فكرة الهدية اللي بجيبها لها

ع فكرة أنا من مكة >> لو تعرفوا أماكن عندهم حركات وبركات حلوة يا ريت تدلّوني عليهم

وربي يسعدكم جميعاً ويوفقكم دنيا وآخرة