يا عرايس الطايف الحلوات منقوول للامانه

بسم الله الرحمن الرحيم
السلام عليكم ورحمة الله وبركاته
( اللهم اني مسني الضر وانت ارحم الراحمين )
بعد السلام والتحية انا هنا اكتب مشاركتي هذه واتمنى من الجميع قراتها نحنا السعوديات
وببلدنا المعطاء نعيش نوع من التفكك بالمجتمع وذلك لاننا لايمكن ان نتبادل العطاء
بمعنى ان .. ليش الشباب والبنات السعوديين لا يجدون وظائف هل تسائلتم قبل هذه المره
السبب معروف !!!
مثلا انا لدي شهادة كوافير وبتقدير ممتاز وحاصله على اكثر من دورة ووايضا دراستي
بدبي ولكن ما الفائده الى الان لم اجد وظيفه لان معظم المشاغل اصبحت لغير السعوديين
عندما انتقلت الى الطائف ذهبت لابحث عن شغل وكما هو معروف ان معظم المشاغل بشارع
الستين تخيلوو يا اخوان شارع الستين كله نساااء بالشارع يتسولون وسعوديات
وعندما دخلت للمشاغل كل الموجود فيه اجنبيات وبدون اقامه نظاميه ..
عرضت عليهم شهاداتي وعندما يعرفون انني سعوديه يرفضون ذلك لان المتملكات
للمشاغل غير سعوديات بس المحلات باسماء سعوديات وذلك مقابل مبالغ ماليه
للتي اخذت المشغل باسمها وسلمته للاجنبيات ..
طيب لو ان السعوديات لقيو مكان يشتغلون فيه ولو ان كل الزباين ايدو وجود السعوديه
ماكانت الاسر بحاجه للتسول
على الاقل الاسر الفقيره تلاقي مكان لبناتها تشتغل وتصرف والله حرام نساء اعمارهن
50 سنه بالشارع تبحث عن لقمة العيش
وهذي مسؤوليه كل رجل .. لازم يكون في تكاتف من الكل باكثر شارع فيه مشاغل
فيه نساء متسولات وسعوديات .. شي من جد يحز بالنفس تمنيت لو اقدر اساعدهم
فتحت مشغل اصبح السعوديات لا ياتون للمشغل لان العاملات سعوديات طيب انا
بخدم بنات بلدي مو عيب ولا حرام بس المصيبه ما احد يتقبل شغل السعوديه
طيب الاجنبيه ولدت عالمه لا كل انسان يتعلم ليتقن المهاره ويبدع كمان بس
وين التشجيع حتى الجمعيه الخيريه اللي يشتغلون فيها اجنبيات .. وين الخير بالموضوع
نحنا ما نبغى ينقطع رزقهم بس على الاقل كل مشغل لازم يبشتغلون فيه سعوديات
بنت البلد على الاقل متربيه على قيم ما ترضى بالغلط بس الاجنبيه هي عارفه انه
مصيرها بتترك البلاد مايهمها اهم شي تجيب فلوس اش يضمنا مافيه تصوير
والا كمرات والا ممكن تدخل رجال ؟؟
انا ما اقذف البنات بس برضه ما نظمن نحنا
انا تفاجاة ان جمعية فتاة ثقيف اللي بشارع الستين بالطايف اللي مستاجرته
بنت صغيره عمرها 18 سنه .. بس باسمها ولا لها اي نسبه وين اهلها ما يعرفون
لو صار شي بالمشغل هي تروح وتضيع مستقبلها
اليمانيه دافعه لاخت البنت فلوس مقابل تاخذه باسم سعوديه وجميع العاملات موسعوديات
بالله كيف بتكون جمعيه خيريه كيف بتساعد العالم اقلها كان علمو الايتام اللي بالدار
حرفه وشغلوهم فيه علشان يقدرو يواجهو المجتمع …..
وفوق كذه حرام الزبونه تتصلح 600 ريال لليله واحده والعروسه 3000 ريال
مع ان مشاغل السعوديات الزبونه 200 تسريحه ومكياج والعروسه 700 ريال
شفتو الفرق شفتو ان الشغله استغلال واستنزاف للاموال مكياج لليله 300 ريال
مو حرام احط مبلغ زي كذه لليله وبغسله بينما في اسر تنام بدون عشاء ..
اقلها نتكاتف مع بعض عشان تنزل الاسعار .. ويصبح بالمعقوول
اتمنى الغرفه التجاريه تتدخل لتوحيد الاسعار ومنع الاستنزاف اللي يصير بالاموال
وين القائمين على الجمعيه وين المسؤولين كيف غلطة زي هذي كبيره يقترفوها
بحق ايتام وبدارهم ؟؟
مشكلتنا نحنا ان مافي رقابه ما ادري وين دور المسؤولين بالجوازات وبالهيئه
(( متى نصحى من غفلتنا .. لمتى هذه الغفله .. نحنا عندنا محتاجين كثير وعندنا مواهب كثير بس ينقصنا التشجيع
اتمنى ان الحملة هذي تلاقي مؤيدين كلنا يدا بيد ” خير البلد لابناءه ” وانا اتمنى نجد الدعم من الجميع ))
مع فائق احترامي للجميع

منقووووووووووووووووووووووووووووول