عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مراااااااحب يا فراشات كيفكم ان شالله طيبين :h45r4
أنا فراشة جديدة في هذا المنتدى الحلو.
أول مرة بشارك بس قررت من أوّلها إني أبط الجربة. بس خلاص…. مليّت طفشت زهقت وأنا أنتظر زوج مناسب يتقدّم لي. كل اللي يتقدمون لي مش مناسبين. لا وبعد في ناس من أهلي أصغر مني في السن تزوجوا وجابوا عيال وصاروا ينحزون لي ويتفشخرون علي برجالهم. كأن المسألة بيدي!!!!!
نسوا أن الزواج بيد الله سبحانه وتعالى.
والله أن غريزة الأمومة ذابحتني. أنا بعد قدّها وأقدر إني أتحمّل المسؤولية وأتزوج. :frafgagir
وبعدين أنا حلوة مرررررررررة ولله الحمد. بيضة وطيوبة و متعلمة وموظفة ولاني بمتشرطة بس أبي واحد يقدّر الحياة الزوجية. عشان كذا يا فراشات أنا قررت أفصخ الحيا شوي. الحيا اللي بيوصلني لعالم العنوسة أنا ما أبيه. ولا حياء في الدين. ما في وحدة ما تفكر في الزواج والإستقرار والستر. :de11
سمعوا يا فراشات ياحلوين يا كتاكيت عسى عيني ما تبكيكم…. أبغاكم تدبرون لي أسماء وأرقام خطّابات من الهفوف والمبرز ومن كل مكان أهم شي أنهم في الحسا. قررت أتجرأ وأكلم خطابة. نفسي أتزوج وأجيب فراشات صغيرونات يطيرون حولي ويقولون لي ماما.
مااااااااااااااااااااااااما بذمتكم مش حلوة هالكلمة؟؟
سمعوا يا فراشات… اللي بتجيب لي رقم خطّابة بدعي لها من كل قلبي في هذا الشهر الفضيل والله العظيم. وإذا وحدة فيكم تبيني أكلم لها خطّابة ما عندي مانع بس تعطيني عمرها ومستواها التعليمي والسكن وأخلي الخطّابة تتكفل بكل شي من دون ما تدفع ولا فلس. وإذا كان ممنوع انكم تحطون لي أرقام رسلوها لي على الخاص.
أنا ناطرتكم على أحر من الجمر لا تنسوني يا حلوين وان شالله بستمر معكم في ها المنتدى وبعلمكم بآخر التطورات وبعزمكم على زواجي.
هههههههههههههههههههه اللي يسمعني يقول انخطبت. إن شالله كلنا ننخطب في هالمنتدى ونسوي حفلة حلوة.
رجاءً اللي بتتفلسف لا تدخل لا تقولون لي أن الزواج مو كل شي.أنا عارفة هالنظرية. يلة يا حلوين ناطرة ردودكم خلونا نتعاون عشان الله يوفقنا. :frashagir
عن Anharahmad2000
شاهد أيضاً
انواع الاحراجات!!!! لا يفوتكم هع هع ….
أنـواع الإحراجات اللي تصير لأي أحد منا.<< ——————————————————————————– أنـواع الإحراجات اللي تصير لأي أحد منا…. …